Connect with us

Parlamentario pa Frakshon di MFK Fergino Brownbill su atenshon ta riba legalisá Glas skur

Korsou

Parlamentario pa Frakshon di MFK Fergino Brownbill su atenshon ta riba legalisá Glas skur


Parlamentario pa Frakshon di MFK(Movementu Futuro Kòrsou) Fergino  Brownbill ya a kuminsa ku e preparashonnan pa sigui ku e proseso di e konsepto di  e lei pa legalisá ku bo por tint bo glas na banda dilanti di bo outo.  

12 di òktober 2017 Frakshon di MFK(den otro konstelashon) a entregá e Ontwerp  Landsverordening tot wijziging van het Wegenverkeersverordening Curaçao 2000 kaminda Frakshon di MFK a proponé pa hasi kambio riba artikulonan 88,89,90  insiso 1, onderdeel c sub 4 di nan. E kambio aki lo duna e suidadano e derechi pa  tint nan glasnan di porta dilanti te un maksimo di 40%. 

Brownbill ta haña ku e stralnan di solo ta hopi mas fuerte kompará ku den pasado.  Pues mas e ta mira e nesesidat ku un suidadano tin pa por tint nan glas di outo ku  sigur lo proteha nan outo. Tint bo glasnan no ta un luho sigur den e situashon  finansiero ku nos ta, bo tin ku proteha kada propiedat di bo. 

Ne momentunan aki Frakshon di MFK ta hinkando e konsehonan di RvA(Raad  van Advies) den e lei pa asina trata e lei den un Komishon Sentral pa despues bai  den direkshon di un reunion públiko kaminda lo trata esaki pa porfin aprobá e lei  aki. 

Pa finalisá Brownbill ta bisa ku e ta mira sigur ku pa otro aña e lei aki lo pasa  Parlamento. I porfin despues di kasi 4 aña ku Frakshon di MFK a entrega esaki pueblo di Kòrsou lo por kuminsa hasi uzo di esaki.



Source link

Click to comment

Leave a Reply

Your email address will not be published. Required fields are marked *

More in Korsou

To Top