Connect with us

Parlamentario Marisol Tromp: Partido MAS ta cla p’e proximo eleccion

CK8A2112 scaled

Caribe

Parlamentario Marisol Tromp: Partido MAS ta cla p’e proximo eleccion


” frameborder=”0″ allow=”autoplay” allowfullscreen>

drs. Marisol Tromp, lider di e partido politico MAS, ta preparando p’e poximo eleccion. Den un entrevista cu 24ora.com, el a comparti su perspectiva riba e estado actual di gobierno y con su partido ta planeando pa futuro.

Aunke e eleccion ta programa pa otro aña, Tromp a señala cu su “sentimento” ta indica cu e por ta hopi mas prome. Tambe el a destaca cu e gobierno a perde legitimidad, no solamente pa su practicanan cu ‘friends & family’, sino tambe pa su curso di accion cu ta beneficia un grupo chikito mientras cu e ta laga gran parti di e comunidad un banda.

Partido MAS a logra dos asiento durante e eleccion di 2021, cu Marisol Tromp y Aquannette Gunn, representando e partido den parlamento. Tromp a expresa su compromiso cu cambio y e necesidad di coregi e inhusticianan cu ta afecta e comunidad. E ta sigui bisa, cu hopi hende ta sinti nan mes intimida y tin miedo di manifesta y ta responsabilidad di partido MAS pa laga nan sinti cu nan tin un bos y sosten.

Tromp a papia tambe riba e exigencianan pa ta un lider di un partido politico den un pais relativamente chikito. El a bisa cu pa ta un politico den e circunstancianan aki, ta rekeri traha 24 ora pa dia y asumi un responsabilidad hopi mas grandi cu esun di un politico den un pais mas grandi. “Aki nos tin un comunidad caminda nos tur conoce otro,” el a splica. Esaki ta implica cu e trabao politico no ta para, ya cu e expectativanan y e scrutinio ta constante.

Ora a puntr’e si e lista di candidato pa partido MAS p’e proximo eleccion lo inclui solamente hende muhe, Tromp a responde di mnera directo y cla: “No.” E no a ofrece mas detaye, su contesta a refleha e naturalesa directo cu cual e ta atende e preguntanan.

Marisol Tromp y partido MAS ta trahando pa restaura e confiansa den e sistema politico y crea un cambio positivo pa tur e ciudadanonan. E presion constante pa ta un politico den un comunidad chikito no ta facil, pero Tromp y su team ta comprometi pa hiba su mensahe dilanti y enfrenta e retonan cu presenta.





Source link

More in Caribe

A2Z ADMINISTRATION

Advertisement
Advertisement
Advertisement

AD

Trending

Advertisement
To Top