Connect with us

Parlamentario Lopez-Tromp: MAS no ta di acuerdo pa minister pasa placa pa otro

Aruba

Parlamentario Lopez-Tromp: MAS no ta di acuerdo pa minister pasa placa pa otro


Diahuebs merdia parlamentario drs. Marisol Lopez-Tromp a comparti con e reunion publico pa tratamento di presupuesto di Tourism Product Enhancement Fund (TPEF) a bay for di e angulo di nan fraccion MAS. Adicional na haci varios pregunta, Lopez-Tromp a vota na fabor di e presupuesto y mocion cu a bin acerca, cu excepcion di esun caminda Minister di Turismo, Dangui Oduber ta pidi pa aloca recurso di e fondo na fundacionnan cu no ta regarda cu su cartera.

E lider di fraccion MAS den parlamento a puntra riba e diferente proyectonan cu tin andando. Hustamente e proyectonan di embeyecemento di area di hotel, entre otro, tabata e movitacion pa cual MAS a vota na fabor di e presupuesto. Un ehempel ta e proyecto di castracion y sterilisacion di cacho y pushi cu ta un problema riba nos isla y e miho opcion na luga di mester mata e bestianan aki, segun Lopez-Tromp. “Nos ta kere cu no solamente esaki ta algo bon pa Aruba tin un bon maneho riba esaki, pero naturalmente pa e bestianan tambe,” el a comenta.

Riba e mocion #1 cu ta referi na e proyecto di embeyecemento di trapi di Hooiberg y area rond di dje, tambe MAS a vota na fabor, pero bou condicion cu ta atende cu e proceso di destaho debidamente. Mientras cu e mocion di RAIZ solicitando recursonan pa enseñanza si e parlamentario di oposicion a vota contra y na mesun momento a propone pa reactiva e fondo di enseñanza. 

Den e caso aki e lider di MAS ta wak cu e ta un manera pa pasa placa di TPEF pa cierto fundacion y e ta kere cu pa evita e tipo di discusion riba con ta uza placa y si el a wordo malgasta; miho lag’e den un fondo di enseñansa. Pa loke ta e reunion mes di tratamento di e presupuesto, e fraccion di MAS a haya contesta riba su preguntanan.





Source link

More in Aruba

To Top