Connect with us

Parlamentario cu mocion pa tereno erfpacht: Sea construi of entrega bek!

Aruba

Parlamentario cu mocion pa tereno erfpacht: Sea construi of entrega bek!


Final di reunionnan di presupuesto di Aruba tabata fructifero, Prome Minister mr. Evelyn Wever-Croes a contesta tur pregunta loke ta regarda e cartera di infrastructura. Ta conoci cu tin un lista di espera largo cu ta wardando pa añas pa yega na turno pa un tereno erfpacht y tin un scarsedad di tereno. Tin hopi tereno cu ta bandona na Aruba. E terenonan aki hopi biaha ta un mal bista den bario y ta habita pa adictonan ambulante y sushedad. E situacion aki ta causa malcontento bou ciudadanonan cu ta wardando pa por construi nan cas, e ta baha calidad di bida di e habitantenan rond di e terenonan aki y tin un efecto negativo riba siguridad den nos barionan.

Parlamentario Alvin Molina di MEP a entrega un mocion unda ta urgi Gobierno pa riba termino corto, invertarisa tur tereno erfpacht cu no ta wordo uza pa e destino cu nan a wordo otorga y traha un plan concreto con ta bay tuma e terenonan aki bek pa nan wordo duna na ciudadanonan cu si lo uza nan pa construi nan hogar. 

MFA SAN NICOLAS: 

Considerando cu MFA San Nicolas tabata riba e plan pa wordo traha y te awe ta e unico cu no a wordo construi ainda. Varios servicio di Censo y belasting no ta accesibel na San Nicolas y cu e edificio di ‘hulpbestuurskantoor’ na San Nicolas ta den mal estado ta urgi Gobierno pa aumenta e servicionan di Censo y belasting disponibel na San Nicolas y pa haci e edificio di ‘hulpbestuurskantoor/ MFA San Nicolas representabel y cu e ta cumpli cu tur condicionnan infrastructural y organisatorio pa brinda e servicionan necesario y deseabel na nos hendenan di San Nicolas. 

CARNIVAL VILLAGE: 

Por ultimo Parlamentario Alvin Molina a enfatisa cu ta necesario pa duna districto di San Nicolas e atencion tambe riba e tereno cultural y a presenta un mocion unda ta urgi Gobierno pa sigui desaroya y mantene San Nicolas como ‘art district’. Sondea cua actividadnan cultural lo por tuma luga na San Nicolas, percura pa e infrastructura necesario y precura pa esakinan bira actividadnan structural pa e districto di San Nicolas. Por ultimo construi un podium fiho den Carnival Village pa asina actividadnan cultural, di arte y enseñansa por tuma luga eyden. 





Source link

More in Aruba

To Top