Connect with us

Parkeerplaats dilanti parlamento a bira un zona di guera

Aruba

Parkeerplaats dilanti parlamento a bira un zona di guera


Para auto den parkeerplaats dilanti parlamento a bira un guera mirando cu ya caba tin pleitamento ken ta para na unda y con.

Miguel Mansur, lider di fraccion di Accion 21 a tene na cuenta cu esaki y ta compilando un carta pa manda pa presidente di parlamento y pone esaki riba papel. Tur esaki a bira un polemica den parlamento.

Integridad ta conta den tur momento, hasta den e forma di para auto.

Parlamentario Setty Yarzagaray a dicidi riba un dia cu e kier a uza e espacio ki cu ta destina pa presidente di parlamento y griffier. Na momento cu a reclam’e, el a rabia masha. Ta pa e motibo aki mes esaki a crea un discordia.

Den un entrevista den Enfoke, Mansur a comenta cu loke ta sosodiendo ta un abuso di poder. Tin e fenomeno na Aruba cu ora un partido ta den gobierno, su integrantenan ta kere cu Aruba mes ta di nan. Den e caso aki ta parlamento. Tin dos miembro cu un casi tur dia ta parkeer ilegalmente dilanti parlamento.

Segun regla di parlamento, presidente tin su luga di parkeer dilanti parlamento. E ta parando su auto paden. Ora cu a bisa Mansur cu ta pa proteha e auto na momento cu gobierno kier bay corta e 250 florin cu nan ta duna pa hendenan cu ta ricibi bijstand pa yiu di criansa, e presidente di parlamento a haya un auto nobo.

Un otro miembro di personal a menciona cu e presidente ta parkeer paden pasobra algun biaha el a sali y tabatin hende ta ward’e eynan.

Mansur a papia cu dos otro miembro di personal, cu ta menciona cu nan ta autorisa pa para ey, pero no ta un bunita bista pa publico.

Otro miembro di personal a menciona cu a pidi pa no para ey, pero toch a opta pa hacie.

Na luga di yama un takelwagen, Mansur a pone un papel pidiendo pa respeta e reglanan di parlamento y hasta gradici nan di antemano cu e cooperacion. Hecho aki a cay den mal tera. Un di e parlamentarionan a yega parlamento riba hala di otro, cual ta mustra un tiki indignante mirando cu su partido ta na mando, e ta kere cu ta doño di Aruba cu e por parkeer unda cu e kier.

En realidad ta cu na momento cu a traha Plasa Padu, no tin suficiente espacio pa e parlamentarionan. Tin 20 espacio reserva otro banda di caminda.

Mansur no ta compronde pasobra tanto e presidente como e dos parlamentarionan tin mas cu cuater aña den parlamento. Si no por a regla 20 luga di parkeer otro banda di caminda riba tereno di gobierno pa parlamentario, no ta compronde con nan por regla e asunto y e problemanan real di pais Aruba.

Pa cobertura mas amplio lesa edicion di TREMPAN mañan.





Source link

Click to comment

Leave a Reply

Your email address will not be published. Required fields are marked *

More in Aruba

To Top