Connect with us

Pakico nos frontera cu Venezuela ta cera ainda?

Aruba

Pakico nos frontera cu Venezuela ta cera ainda?


Expertonan ta calcula cu Aruba ta perdiendo entre 150 y 200 miyon dollar na entrada den turismo pa aña pasobra gobierno di Sra Evelyn Wever-Croes kier mantene nos frontera cu Venezuela cera. E pregunta cu comunidad di Aruba ta haci ta: “Pakico gobierno no kier habri e frontera cu nos pais bisiña”?

Algun siman pasa, nos por a lesa cu nos premier Sra Evelyn Wever-Croes a declara cu “e departamento (di Asilo) concerni no ta cla”.  Aruba ya tin un rekisito stricto di visa cu ta filtra esnan cu ta pensa di busca asilo. Un Venezolano cu visa pa bay Merca no mester di visa otorga pa nos gobierno pa drenta Aruba, pero ta dudoso cu e Venezolano ey lo busca asilo aki en bes di bay Merca.

Na Corsow nan no a haya ningun diluvio di buscado di asilo. Al contrario, segun e gobierno di Corsow, e “Efecto Venezolano” en general ta hopi positive, especialmente pa economia di e pais. Pakico nos gobierno ta dispuesto di sacrifica miyones di dollar na entrada di turismo pa miedo di haya algun buscado di asilo?
  

Otro rason cu gobierno sa duna ta cu ya nos turismo ta kibra tur clase di record. Por ta, pero e “shoulder/low season” a drenta y e hotel y restaurantnan ya ta sufriendo. Awor lo ta bon momento pa habri e frontera pa yuda nan.

Manera tur hende na Aruba sa, e turistanan Venezolano ta gasta hopi mas cu e otro turistanan. Esey ta ariba di loke nan ta gasta na casinonan. Nan no ta incomoda e otro turistanan na restaurantnan anochi pasobra ora nan ta sali bay come otronan ya a bay cas. Asina nan ta yuda e restaurantnan y nan empleadonan sobrevivi.  

Contrario na e mayoria di otro turistanan cu ta cumpra na nan pais online, turista Venezolano ta haci compra prsonalmente cerca nos comerciantenan. Y nan ta cumpra hopi! Esaki lo yuda comercio y empleadonan y ta contribui na caha di nos gobierno.

Hopi turista Venezolano ta bishita nos Cas di Cultura pa presencia un show cultural di Aruba of scucha un concierto di musiconan local. Poco otro turista ta haci esaki. Tur loke nan gasta na entrada of na bar ta beneficia Cas di Cultura y economia di Aruba.

 

Di e 150 a 200 miyon dollar cu turistanan Venezolano ta gasta, hopi ta bay pa caha di Gobierno y esaki por duna aliento na e Arubiano cu ya ta carga hopi na tur clase di belasting.

Mi ta sigur cu si nos gobierno haci su  propio analisis e ta yega na e mes conclusion:
Frontera cera cu Venezuela no ta beneficia nos economia y ta detrimental pa nos pueblo. 



Source link

More in Aruba

A2Z ADMINISTRATION

AD

To Top