Connect with us

Pa di tres biaha a corta tela di ocho parasol riba Eagle Beach

Caribe

Pa di tres biaha a corta tela di ocho parasol riba Eagle Beach


Tur cos mustra cu ta trata di algo mas cu un vandalismo loke cu a pasa cu e materialnan di e compania Pair a Dice na Eagle Beach.

Segun Henry Tromp, Beach Manager di e compania, esaki sigur ta di tres bes cu ta yega mainta y ta topa cu tur e umbrellanan corta. E no sa si ta algo di muchanan baldadi, rabia  of envidia, pero loke si e por bisa cu cada paña ta costa 500 florin. Nan ta huur e umbrellanan aki pa 50 dollar. 

Awo cu e situacion aki, nan tin 7 umbrella daña, cu ta forma di servicio. Ademas di e perdida di entrada, mester paga 3500 florin pa reemplasa e material aki. Aunke cu no ta tarda pa pone material nobo, e kier sa pakico e acto di vandalismo aki. Si ta tres bes caba, el a sosode, a haya nan cu gasto di mas cu dies mil florin.

E sa tende cu tin mucha ta caba di hunga, y ta bin sinta eybou. Nan sa bin haya hopi sushi cu nan ta laga atras, despues di come tambe. 

Tin camara den henter e zona, pero no ta capta unda e negoshi aki ta situa. 

E situacion ta lamentabel y si no haci nada, ta nan mes lo mester sconde den e luga cu bat pa “tuma husticia den man, si autoridad no ta haci nada”.





Source link

More in Caribe

To Top