Connect with us

Pa conserva nan: Archivo Nacional Aruba a ricibi archief grandi di SAC y di famia Genser

Aruba

Pa conserva nan: Archivo Nacional Aruba a ricibi archief grandi di SAC y di famia Genser


Diahuebs Archivo Nacional Aruba (ANA) a celebra dia internacional di archief. Riba e dia ey nan ta conscientisa ki balor archief ta pa comunidad y ta refleha e trabou cu mester ta haci. ANA tin un campaña unda cu hende por entrega archief, di cual no tin hopi entrega. Tecla Kelly-Hernandez, presidente di SAC, a haci entrega na ANA e documentonan di SAC. Tambe Carlos Genser a entrega coleccion di potret di famia Genser.

Eric Koolman, hefe suplente di Archivo Nacional Aruba, a felicita tur su coleganan cu di un manera of otro ta traha cu archief. Tambe a manda pabien na e otronan cu ta traha den otro departamento di gobierno. Archief ta hopi importante pa ora gobierno ta tuma un decision, ta yuda cu historia y conoce di unda nos ta bin. E ta fuente primario pa sostene e investigadonan y p’e personanan cu kier sa mas di archief.

Minister di Cultura y Finansas, Xiomara Maduro, tabata presente n’e rueda di prensa. El a entrega na ANA tur informacion digital, conferencia di prensa cu tabatin durante pandemia. Esaki tabata prome biaha cu Aruba a pasa den un pandemia. El a sigui bisa cu hende tabata warda pa ora yega cu minister presidente duna informacion con Aruba tabata para durante pandemia. P’esey a coy tur e informacionnan aki y traha archief di nan. El a gradici tur personal di relacion publico di gobierno pa yuda warda e informacionnan aki. E mandatario tambe a contribui na e Campaña di Trece di cual a hacie den forma digital door di trece tur conferencia di prensa di Covid, pero a entrega material te cu dia 6 di juni. Tur rueda di prensa cu tabatin na Bestuurskantoor ta na ANA y asina por yega na conocemento di tur hende, cu por uz’e pa haci investigacion.

Edric Croes, hefe di afdeling Archief Beheer & Behoud, a splica un tiki mas di nan campaña. Desde cu a lansa e campaña cuater persona, esta señora Wiersma, señora Tromp, señora Giel y señora de Jong. Tur a tende dje campaña na radio, television, pero ta spera cu den e proximo seis simannan ANA por haya mas informacion y cosnan hopi interesante cu no sa cu ta existi.

Pa mas lesa TREMPAN.COM.





Source link

More in Aruba

AD

Advertisement

Trending

Advertisement
To Top