Connect with us

Otmar Oduber: E minister mester tin curashi pa tuma decision den Aruparking y Arubus

Caribe

Otmar Oduber: E minister mester tin curashi pa tuma decision den Aruparking y Arubus


” frameborder=”0″ allow=”autoplay” allowfullscreen>

E politico Otmar Oduber tabata fuerte den su critica contra gobierno durante un conferencia di prensa. P’e politico ta un berguensa pa mira con e minister ta maneha e cartera di transporte, pero tambe e falta di tumamento di decision den Arubus.

E ta bisa esaki pasobra Aruparking den su prome añanan a produci un suma di 2.8 miyon florin pa e caha di Arubus, bou di cual compania nan ta cay. “Ora bo ta den gobierno bo mester tin curashi pa tuma decision.”

674A7722

El a recorda cu tempo di introduccion di Aruparking tabatin hopi critica cu esaki lo bay mata centro di ciudad. Pero e realidad ta cu Aruparking lo a trece un cantidad di beneficio . Awendia no ta mira autonan staciona den tur skina di ciudad manera antes. Lamentablemente no tin curashi pa cuminsa ehecuta y maneha na un forma profesional manera ta sosode rond mundo.”

El a mustra riba e echo cu aki na Aruba ta bay pa casi ocho aña cu ta hunga politica cu desaroyo economico di e centro di ciudad. Aruparking a cuminsa produciendo 2.5 miyon florin di ganashi cu ta bay pa Arubus, p’e reduci su gastonan y opera como un solo compania.

Centro di ciudad a wordo mata door di politiconan cu a tuma decision pa permiti un cantidad di mall rond di tur e hotelnan den pasado, y ta sigui comete eror di permiti mall na porta di waf, evitando cu e turista ta yega te na centro di ciudad. “Mi ta haci un apelacion pa awo cu ta cuminsa cu un desaroyo na San Nicolas, pa no permiti atrobe pa  haci politica di duna permiso pa centro comercial y tienda rond di e hotel, matando centro di ciudad di San Nicolas. Mester tin curashi pa laga Aruparking opera manera mester ta. Y esaki por encera klem un auto di un hende cu no a paga ta normal y esaki a sosode na tur parti di mundo.”

Tambe el a papia di e motibo pakico Aruparking mester a bini, esta cu trahadonan cu ta coy tur e espacionan di parkeer y pa ora cu e cliente kier bin haci compras, no tin luga pa nan para.  

Ta simplemente curashi mester tin pa tuma decision. E no por kere cu awo, tres aña despues cu e tin sinta como minister diripiente ta deshaci di e director.  E situacion reinante na Arubus, Aruparking, Post y Serlimar ta den e situacion cu nan ta den dje a causa di ministernan cu ta mete den e operacion.

For di tempo cu e tabata minister encarga cu Arubus, un trip lo mester a cosyta entre 8,50  pa 9 florin. Pero como gobierno a tuma e decision cu ta 4 florin ta paga y gobierno mester a subsidia e resto cu tabata casi cinco florin. Awendia e mesun trip ey ta costa 18 florin, mirando tur e gastonan cu e compania tin awendia. “E gastonan aki ta pa via di politiconan cu a tuma decisionnan pa cada biaha sigui duna aumento y indexering, y cumpra busnan cu no ta sirbi. Por bisa, segun Oduber, cu tin un flota di bus para sin por uza nan mes.  Resumiendo: inversionnan mal haci. “P’esey e compania ta den e situacion cu e ta awendia.”

Pa relato amplio lesa TREMPAN.





Source link

More in Caribe

A2Z ADMINISTRATION

AD

To Top