Connect with us

ORGANISASHONNAN SOSIAL DI SINT MAARTEN I ARUBA PROMÉNAN NOMINÁ PA APPELTJES VAN ORANJE 2022

Caribe

ORGANISASHONNAN SOSIAL DI SINT MAARTEN I ARUBA PROMÉNAN NOMINÁ PA APPELTJES VAN ORANJE 2022


Heart Centered Leadership Foundation di Aruba i K1 Britannia Foundation di Sint Maarten ta e promé dos organisashonnan nominá pa Appeltjes van Oranje 2022di Oranje Fonds. A anunsiá esaki durante un ‘pitchday’ spesial na Kòrsou na kua un kantidat di dies organisashon a presentá nan proyekto sosial dilanti un hurado di Oranje Fonds. Tur organisashon ku a bini na remarke a demostrá ku nan ta importante. Pero,ku nan proyektonan hubenil inspirativo i distintivo Heart Centered Leadership Foundation di Aruba i K1 Britannia Foundation di Sint Maarten a sa di ganae nominashon.

Oranje Fonds ta entregá e Appeltjes van Oranje tur aña na tres inisiativa ku di forma eksitoso ta konektá diferente grupo di hende òf ta sòru pa otronan bolbe partisipá den komunidat. Tur aña e hurado ta skohe 10 nominado di kua semper tin dos di e parti Karibense den Reino. Na yanüari 2022 ta presentá e nominadonan di Hulanda.

Oportunidat igual pa tur hóben
E tema di e aña aki ta Oportunidat Igual pa tur hóben. Desigualdat den oportunidat ta un problema urgente den nos komunidat, ku pa motibu di e krísis di Corona a bira mas grandi. Ku e Appeltjes e aña aki Oranje Fonds ke pone atenshon riba proyektonan ku ta atendé e problema aki ku éksito, pasombra nan meresé sosten i rekonosementu.

Nominadonan
Heart Centered Leadership Foundation ta traha kuyen diferente programa pa empoderá hóbennan di Aruba. Ademas nan ta guia hóbennan pa bira konsiente di nan identidat, kualidatnan personal i formanan pa nan aportá na komunidat. Nan aserkamentu tahaña impulso dor di e esfuerso di e hóbennan mes. Nan ta hasi tur nan trabou ku i pa e hóbennan. Ku nan ScholarshipFund K1 Britannia Foundation ta brinda hóbennan,ku di ningun otro forma esaki no ta posibel, oportunidat riba un estudio. Adishonal nan ta enfoká riba hóbennan ku ta krese den kuido di yu di kriansa i òf a bini den kontakto ku hustisia i polis.

Premio
Den primavera 2022 ta anunsiá e ganadónan di Appeltjes van Oranje. Nan ta risibí un eskultura di bròns trahá pa Prensès Beatrix i un suma di 25.000 euro. Tur aña Reina Máxima ta entregá e premionan i den e añanan ku ta selebrá un lustro esaki lo ta na enkargo di Rei Willem-Alexander. Dor ku na 2022 ta e di 20 biaha ku ta entregá Appeltjes e ganadónan lo risibí nan premio for di man di Rei.

Oranje Fonds
Oranje Fonds no ke pa ningun persona ta nan so i ke pa tur hende den komunidat partisipá. P’esei nos ta sostené inisiativanan sosial ku ta traha na un komunidat involukrá, ku ta sòru pa esnan ku temporalmente tin mester di esaki i ku ta traha pa yega na oportunidatnan igual. E sosten aki ta konsistí di Netwerk, sèn, tempu i rekonosementu. E fondo por hasi esaki danki na e.o. Nationale Postcode Loterij, Nederlandse Loterij, Amigunan i kompanianan. Rei Willem-Alexander i Reina Máxima ta e pareha patrosinadó di Oranje Fonds.






Source link

Click to comment

Leave a Reply

Your email address will not be published. Required fields are marked *

More in Caribe

To Top