Connect with us

Ocho ora di interogacion: PG por a adapta acusacion den caso Avestruz basa riba Codigo Penal nobo

WhatsApp Image 2024 05 15 at 5.05.49 PM 1

Caribe

Ocho ora di interogacion: PG por a adapta acusacion den caso Avestruz basa riba Codigo Penal nobo


WhatsApp Image 2024 05 15 at 5.05.49 PM 1

Diaranson mainta a inicia cu e tratamento profundo den e caso di Avestruz den apelacion (Hof). Tin shete acusado, pero e presencia di dos di nan no tabata necesario awe, esta Curt Harms y Pieter Susebeek, pa motibo cu e contenido di nan caso no a bini dilanti.
For di 9:00 AM te cu 5:41 PM, cu un pauze chikito, e tres huesnan di Hof cu tabata hopi skerpi a repasa e PV di Damari y Deshaun den cual e acusadonan envolvi tabata: Leoncita Arends, Benny Sevinger, Gaby Werleman, Ninosca Nuñez y Carlo Mansur. E ultimo aki a prefera, mescos cu den Prome Instancia, di no contesta pregunta y mantene su mes na loke el a declara caba.

E dos aspectonan cu a resalta awe tabata e echo cu Procurador General a adapta e citacion den algun caso, cual naturalmente defensa no tabata di acuerdo. Sinembargo Presidente di Hof na final a dicidi cu e ta permiti e adaptacion. Esaki pasobra e ley di Codigo Penal nobo, cu e drenta na vigor dia prome di april, ta habri e posibilidad aki.

Den oranan di atardi loke cu a resalta ta e parti di e envelop cu supuestamente e ex-minister, Benny Sevinger, a ricibi for di Leoncita Arends. Esaki ta e declaracion cu OM a uza pa acusa e ex-mandatario di soborno. A keda haci tanto Arends como Sevinger hopi pregunta y a trata di busca un caminda nan a faya den nan declaracionnan. Na final a keda cu un duda di ki color e famoso envelop tabata. E declaracionnan riba e punto aki ta varia.

WhatsApp Image 2024 05 15 at 5.05.49 PM 1

Y tambe e hibamento di e envelop. Testigo Roga a declara cu esaki tabata yena cu placa, rond di 200 mil florin, mientras cu Sevinger y su casa, pero tambe Arends, a bisa cu e tabata yena cu ticketnan di lotto. Aunke cu a presiona Arends si riba e echo cu na prome instante el a bisa cu nunca el a manda Roga cas di Sevinger.

Pero investigacion haci riba e celularnan a demostra e fecha riba cual Roga tabata den bisindario di cas di Sevinger. “MI no a corda esey, te ora cu na Landsrecherche nan a mustra mi riba esey,” tabata su contesta.
E atardi a cera cu e mensahe cu tratamento lo sigui diahuebs mainta cu e otro dossiernan cu falta.

WhatsApp Image 2024 05 15 at 5.05.49 PM





Source link

More in Caribe

A2Z ADMINISTRATION

Advertisement
Advertisement
Advertisement

AD

Trending

Advertisement
To Top