Connect with us

Noticia di 24ora confirma:  Gasolin a baha cu seis cen

Caribe

Noticia di 24ora confirma:  Gasolin a baha cu seis cen


LC geoffrey wever gasolin 2

Manera 24ora.com a publica awe den oranan di mainta caba, Departamento di Asuntonan Economico, Comunicacion y Desaroyo Sostenibel a confirma e reduccion den prijs di gasolin.

E tarifanan nobo aki ta drenta na vigor riba diaranson, 10 di juli, 2024.

Aki ta sigui e tarifanan nobo

Gasoline unleaded-premium (251,6 cen p/ltr. (-  6,0 cent); Diesel LS 218,5 cen p/ltr. (+0,8 cen); Kerosine : 200,0 cen p/ltr. (+ 1,3 cen).

E prijsnan ariba menciona ta inclui BBO/BAZV/BAVP.

Ya caba den oranan di mainta 24ora.com a informa di e cambio cu lo bini, unda cu pa e di dos luna sigui tin un reduccion chikito den e tarifa di gasolin, cu mayoria auto ta uza na Aruba. Diesel si a conoce un aumento.

Historia

Desde cu aña a bolter, esta na januari, a conoce un reduccion, pero despues cinco biaha gasolin a aumenta. Gran parti di e prijs di gasolin cu diesel ta destina pa gobierno na accijns. E accijns riba prijs di gasolin cu diesel ta hopi halto. Gobierno ta come un gran parti y e ganashi mes di e pompnan ta poco.

Ademas di accijns, gobierno ta come dos schakel riba e prijs di gasolin. E BBO di 7% di FMSA pa e tanki di Citgo su pomp y djey otro 7% di e pomp pa tanki di bo vehiculo. Apart di Accijns halto gobierno ta gana otro 14% riba e prijs di benta.

Finalmente di e prijs total di loke pomp ta bende, un porcentahe halto ta straight pa caha di gobierno. Pueblo por spaar un tiki door di tank te cu diamars anochi prome cu 12:00 am.

Prijs di gasolin den 2024

Nos a habri aña 2024 cu tarifa di gasolin na 232,9 cen p/ltr. cu tabata un reduccion di 4,8 cen compara cu december 2023. Na februari, nos a conoce un aumento di 12,4 cen y a bira e ora 245,4 cen p/ltr. E tempo ey a hustifica e aumento bisando cu mester a regla e tarifa pa e pomp stacionnan di combustibel debi cu gastonan bancario tabata afecta nan ganashi. Y awo na juni nos ta conoce un reduccion y e tarifa a bira 257,6 cen p/ltr., cu ta un bahada di 11,4 pa liter.

Comparacion cu aña pasa

Aña a habri (januari) 2023 cu gasolin costando 243.8 cen pa liter. Y a habri aña 2024 na 232,9 cen pa liter, pues casi 11 cen menos compara cu januari aña pasa. E ultimo biaha cu e prijs di gasolin a yega den e area aki tabata na januari 2022, ora e tabata costa 230.6 cen pa liter, cu tabata e prijs di mas abou di ultimo añanan cu

Aruba a conoce. E prijs mas halto cu Aruba a yega di conoce tabata na aña 2022.

Na juli 2022 e prijs tabata 335.7 cen pa liter (+14.5 cen).





Source link

More in Caribe

A2Z ADMINISTRATION

AD

To Top