Connect with us

Nos t’ey pa yuda bo!: FCCA ta introduci un pakete di hipoteca atractivo na un interes reduci

Aruba

Nos t’ey pa yuda bo!: FCCA ta introduci un pakete di hipoteca atractivo na un interes reduci


Durante un conferencia di prensa, e directora technico y comercial di Fundacion Cas pa Comunidad Arubano (FCCA) Julie Wever a anuncia ‘Nos t’ey pa yudabo’ un pakete di hipoteca atractivo na un interes reduci.

FCCA ta existi pa mas cu 40 aña cu e meta pa yuda tur ciudadano pa por yega na nan mesun cas, sea traha, cumpra y huur casnan traha door di FCCA. Durante e añanan di existencia, FCCA a duna hopi famia e oportunidad pa yega na un cas conforme nan entrada. Actualmente FCCA tin un gerencia nobo cu hunto cu e personal ta trahando diligentemente pa ofrece un miho servicio y producto na comunidad di Aruba.
Sra. Julie Wever a continua bisando cu consiente di e situacion economico cu nos Pais Aruba actualmente ta pasando aden y pa cumpli cu deseo di FCCA su clientenan, FCCA ta presenta e pakete atractivo nobo di hipoteca.

E pakete aki ta encera, un interes reduci di hipoteca, un seguro na alcanse di cada cartera y un ‘pre-approval’ hopi lihe riba bo peticion di hipoteca. Ademas FCCA ta ofrece conseho y yudansa na momento di construi bo cas y tin un lista di varios instancia (‘partners’) cu ta ofrece tur locual cu tin di haber cu cas na un descuento atractivo. E pakete aki su beneficio ta, cu e cliente ta haya tur esakinan hunto y ta paga un suma mensual mas abou.

‘Nos t’ey pa yudabo’ ta pa clientenan nobo y existente di FCCA. Ciudadanonan cu kier cumpra un cas of tereno, remodela of renoba nan cas, kier pone landscaping, cura of solar panels, por aplica pa nos pakete ‘Nos t’ey pa yudabo’. Clientenan existente di FCCA tambe cu kier haci algun renobacion na cas por aplica pa ‘Nos t’ey pa yudabo’. Cada un caso lo wordo analisa y lo ofrece un interes reduci. Pa aplica pa ‘Nos t’ey pa yudabo’ lo mester bini cu documentonan manera un ID valido, ‘salaris slip’, papel di censo, taxatie rapport.

E directora di FCCA a informa cu di e manera aki FCCA ta contribui tambe na bienestar di economia di Aruba ya cu e cliente por spaar mas placa y tin mas espacio financiero. Sra. Wever a splica cu FCCA ta conoci pa su guia den henter e proceso di construi of remodela cas. Nan profesionalnan ta cana ‘man den man’ cu nan clientela. Ademas FCCA a inverti tambe pa mehora nan servicio y awor por ofrece un servicio mas rapido na comunidad di Aruba. Wever a conclui bisando cu cada ciudadano y cliente existente cu kier aplica pa ‘Nos t’ey pa yudabo’ bishita e website www.fcca.com of subi e pagina di facebook di FCCA Aruba pa combersa cu nos ariba nos whatsapp of
haci un cita.

Expertonan servicial den hipoteca di FCCA lo tuma contacto cu bo. Tambe por bishita FCCA su oficina principal na Sabana Blanco durante orario di oficina. Na FCCA no ta necesario pa traha cita y warda simannan largo pa un contesta. Pa mas informacion por yama na telefon 522-3222.





Source link

More in Aruba

To Top