Connect with us

No tur hende a gusta e idea: Sinterklaas a yega Aruba

Aruba

No tur hende a gusta e idea: Sinterklaas a yega Aruba


E hecho cu gobierno a dicidi pa cancela yegada di Sinterklaas pero su ta permiti fiesta caro di carnaval den ballroom a cay den masha mal tera cerca mayornan. Y di otro banda, eliminacion di “zwarte piet” y introduccion di piet blanco y colorido a laga e asistentnan di Sinterklaas keda parce poco payaso.

Debi na pandemia, Ministerio di Cultura a opta pa no organisa e yegada tradicional na waf, cu muchanan para pafo pa topa e “homber santo”, sino na su luga a hacie un show na television. A conseha mayornan pa laga e muchanan sigui e show for di cas. No tur hende a gusta e idea y ta cuestiona maneho di gobierno den ken si y ken no ta haya permiso pa organisa evento publico.

Riba e propio pagina di Facebook di Minister di Cultura, Xiomara Maduro, mayornan a desahoga nan frustracion, nan desaprobacion y critica fuerte pa e forma con a organisa yegada di Sinterklaas. Otronan a haya e show na Telearuba masha laaf y cu no tabata atende telefon cu contesta di e muchanan. Ta parce cu e presentadonan y productornan no por a maneha un show di e taya aki. Pa colmo un ganado, cu a ked’i pasa laga su premio p’e pa 6:00 pm a bay drumi tristo 10:00 pm sin cu nunca su premio a yega. Telearuba a reacciona mesora bisando cu no tabata “nan” show, sino di Ministerio di Cultura, nan djis a transmitie, hunto cu otro medionan di comunicacion. Pues contenido di e programa tabata den man di gobierno mes!

E mayoria comentarionan ta boga pa otro aña organisa e yegada normal y cu e “zwarte piet” nan original, sin cambia e tradicion cu nos tur a lanta y crece cu ne.





Source link

Click to comment

Leave a Reply

Your email address will not be published. Required fields are marked *

More in Aruba

To Top