Connect with us

No tin otro opcion: Universidad di Aruba ta cla pa ricibi tur studiante!

Caribe

No tin otro opcion: Universidad di Aruba ta cla pa ricibi tur studiante!


” frameborder=”0″ allow=”autoplay” allowfullscreen>

Universidad di Aruba ta preparando pa un otro aña academico, pa cual ya caba e inscripcion a habri caba, for di 15 di mei y lo tin oportunidad pa inscribi te cu dia 15 di juni.

Dr. Mieke de Droog, Interim rector y Decano na Facultad di Arte y Ciencia, a indica cu na Universidad di Aruba tin hopi diferente programa, manera Bachelor y Masters na Facultad di Ley (FDR), tambe n’e Facultad di Economia (FEF), Bachelor n’e Facultad di Hospitalidad y Turismo (FHTM) y e Facultad di Arte y Ciencia tin e programa di SISSTEM na nivel di Bachelor, como tambe Organization, Governance & Management. Tambe tin e programa di Social Work & Development. Es decir, Universidad di Aruba tin hopi programa pa ofrece n’e studiantenan. Pero p’e studiante cu ainda no sa kico e kier bay studia, tin tambe e AVI-program cu Universidad di Aruba ta ofrece pa duna e futuro studiante un bista di kico tur Universidad di Aruba. 

Universidad di Aruba ta curasha e hendenan pa bin wak kico tur Aruba tin di ofrece, prome cu nan tuma e decision pa bay studia afo, sin cu nan sa ainda kico nan kier bay studia. Pa cualkier pregunta, por tuma contacto cu Office of Student Affairs (OSA), pa wak kico tur ta e posibilidadnan cu tin. Tambe pa e studiantenan cu net a bin di HAVO/VWO y EPI, pero tambe profesionalnan ya cu Universidad di Aruba tin tambe programa di certificacion (Certificate Program) unda cu por sigui diferente module. Sigur, interesante ya cu nunca un persona ta stop di studia, semper ta bon pa keda na altura di loke ta pasa na nivel global. Por scoge di e diferente cursonan cu Universidad di Aruba ta ofrece pa obtene un certificacion. Ta curasha e profesionalnan pa bin wak kico tur Universidad di Aruba tin di ofrece, prome cu dia 15 di juni. 

CK8A9972

INSCRIPCION

Ya caba e studiantenan por cuminsa registra online caba pa sigura nan cupo p’e siguiente aña academico na Universidad di Aruba, sea e studiante tin su diploma caba of no. Tambe pa haya mas informacion di por ehempel di kico ta e rekisitonan pa drenta Universidad. Esaki ta tanto pa e studiante pero tambe pa e mayornan. 

Mas aleu, Sue-Ann Lee, Interim Rector y Decano di e Facultad di Hospitalidad y Turismo, a sigui bisa cu, aunke awendia por haci hopi online, pero toch ainda tin hopi hende cu toch ta prefera un contacto directo pa por haci mas pregunta. Pa esaki, un invitacion ta bay pa bin otro siman, di 10 di juni te cu 14 di juni, for di 9:00am te cu 4:00pm, pa cualkier pregunta of duda di cualkier un di e programanan di e diferente facultadnan, di kico e rekisitonan ta pa por drenta un di e facultadnan aki, por pasa y haci pregunta. 

Tambe n’e mes momento, si nan kier sa di e Academic Foundation Year, en bes di tuma un aña sabatico (gap year), si e mayor kier pa nan yiu sigui studia of drecha nan Hulandes, nan skirbimento na nivel academico pa prepara nan mes miho pa sigui cu nan estudio otro aña, tambe ta posibel. 

CK8A9959

Na momento di inscribi, esaki ta tuma luga online via e website y e studiante ta haya un email bek di cualkier documento cu nan mester registra, si nan mester haci un TOEFEL-test, un of Duolingo pa assesment na Ingles. Tambe nan lo haya e informacion di ki dia nan lo mester entrega tur e documentonan aki. 

Lee a enfatisa cu e posibel futuro studiantenan ta importante pa nan bin Universidad y busca informacion di kico nan ta haci. Como Universidad di Aruba, ta ofrece un programa na nivel internacional, e diferente programanan tin nan partnernan. Mester pensa riba Universidad di Utrecht, Universidad di Amsterdam of Universidad di Maatstricht. E programa di SISSTEM ta traha cu KU Leuven pero tambe Universidad di Aruba ta traha cu University of South Carolina. 

Universidad di Aruba ta traha cu diferente programanan acredita, cu ta trece e parti internacional, pero na mes momento ta importante pa comunidad di Aruba compronde cu universidad ta trece e problemanan cu tin, den e contexto local. Es decir, kico cu pasa, por wak kico e ta problemanan na Aruba y trec’e bek den klas p’asina conecta y present’e na e studiantenan na un manera di kico ta pasando na Aruba. 

Tin e parti internacional pero tambe e parti di loke ta pasa na Aruba, cual ta hopi importante. na mes momento, ta bon pa duna un bista cu Universidad di Aruba tin un espacio mas amplio, door di e espacio di Maria Convent. Tambe Universidad di Aruba lo bay pasa den un etapa di renobacion di e edificio di De La Salle, pero lo purba di cuminsa den zomer, p’e no tin un impacto asina grandi na momento di e apertura di e aña academico. 

Esaki kisas lo tin menos local, pero ta haciendo lo posibel pa tine cla mas pronto posibel. 

FINANCIAMENTO

Tur studiante por aplica pa Arubalening y esaki, en principio, lo mester a tuma luga caba. Pero esaki por tuma luga ainda. Y na momento cu nan ricibi e carta oficial cu nan a wordo acepta, esaki nan lo mester entrega na Departamento di Educacion, pa nan por haya e confirmacion cu nan a wordo tuma pa cuminsa ricibi nan Arubalening. 

ACEPTACION

Lee a splica cu na momento cu nan registra y entrega tur nan documentacion, nan lo haya e informacion cu nan a wordo acepta. E ta un proceso cu lo cuminsa for di momento cu nan ricibi e documentacion y esaki lo bay hopi lihe. 

Pa mas informacion, tuma contacto na email adress [email protected]. Tambe por subi nan pagina di Facebook https://www.facebook.com/profile.php?id=61559661514383&mibextid=LQQJ4d y tambe via nan website https://www.ua.aw/





Source link

More in Caribe

A2Z ADMINISTRATION

AD

To Top