Connect with us

No ta un peliger ainda: Dak di ex-edificio di Duana a cuminsa bin abou

Aruba

No ta un peliger ainda: Dak di ex-edificio di Duana a cuminsa bin abou


Diamars mainta a pidi presencia di autoridad pa un situacion basta serio relaciona cu e ex-edificio di Duana. E pida dak mas halto lo a cuminsa laga bay y a bin cay riba e pida mas abou di e edificio.

Afortunadamente, na e momento ey e no a forma peliger pa ningun peaton of automobilista den e area. Esaki no ta nificia cu e por bira un peliger. E edificio aki tin algun tempo caba para. Ta corda cu e departamento di Duana mester a bandona e edificio aki debo na e mal condicion cu, e tempo ey caba, e tabata aden.

Entre gobierno y un compania a yega na un convenio pa intercambio y construccion di un edificio nobo, pero e proyecto aki no ta algo cu a scucha masha tempo di dje. Mientrastanto e edificio aki awo a cuminsa duna señal drastico di decadencia y cu mester di atencion inmediato di esunnan concerni.

Polis y personal di DOW tambe a presenta na e sitio y asina cuminsa recoge locual cu nan tabata por y asina kita e posibel peliger for di caminda. 





Source link

More in Aruba

To Top