Connect with us

No por mas cu recorte: Reunion urgente p’e docentenan na SIMAR

Aruba

No por mas cu recorte: Reunion urgente p’e docentenan na SIMAR


Awe ta tardi sindicato SIMAR tin un reunion extra ordinario p’e veld di enseñansa. E sindicato a yamando su miembro como no miembro pa yega awe pa 4:30 pm na SIMAR pasobra loke ta pasando den veld di enseñansa no por.

Desde mei a cuminsa cu e entrega di 12.6% y a bay te cu december 2020. Josephine Albertus, presidente di SIMAR, a indica cu e entrega tabata di 25 miyon. Tambe si mira pa loke ta trata FASE, a informa nan cu esaki tabata pa duna esunnan cu tabata tin mester di dje, nan no tabata tin problema cu ne ya cu tabata kier ta solidario cu esunnan cu no tin entrada door di Covid-19. Enseñansa a entrega mas cu 50% di e suma di FASE.

E aña aki a cuminsa entrega FASE desde januari cu e pronostico te december, pero awo lo ta te november. Segun e sindicalista, nan ta entrega mas cu 25 miyon, ya cu aña pasa den ocho luna a entrega e cantidad ey. Awo ta papia cu kier haci mas recorte den enseñansa y esey no por. Di mira e situacion den enseñansa, ta tristo di mira con docente tin di duna enseñansa na alumno. Pero ora cos no bayendo bon den enseñansa, t’e docente a faya. Pero esunnan cu ta responsabel no a tuma nan responsabilidad.

P’esey sindicato SIMAR ta yama e reunion extra ordinario aki pa tur docente, sea miembro of no, pa trece e informacionnan aki.

No por mas: Sindicato SIMAR yamando tur docente pa reunion urgente!

Posted by 24ora on Wednesday, November 10, 2021





Source link

Click to comment

Leave a Reply

Your email address will not be published. Required fields are marked *

More in Aruba

To Top