Connect with us

No por inskribí mas na adrès sin outorisashon di doño [di kas] mas

notisia 365 logo

Curacao

No por inskribí mas na adrès sin outorisashon di doño [di kas] mas

No por inskribí mas na adrès sin outorisashon di doño [di kas] mas

No por inskribí mas na adrès sin outorisashon di doño [di kas] mas

Den un korant a sali e siman aki ku “no por inskribí mas na adrès sin outorisashon di doño [di kas] mas”. Pa un òf otro motibu esaki ta posibel i konsekuentemente tin hopi hende inskribí na adrèsnan di hende ku ni sikiera ta na altura di esaki. Den e artíkulo ta krea e impreshon ku ta un asuntu di kambio resientemente di un lei. Esaki no ta bèrdat. Simplemente pa motibu di fayo di Kranshi no a apliká e lei ku ta vigente pa basta aña kaba. Lo ta bon pa sa di Kranshi pakiko nan a hasi esaki. Tambe ta nesesario pa Kranshi laga sa kuantu adrès sushá tin pa motibu di su negligensia.

Na 2018 mi a skibi e artíkulo aki.

Aña pasá, agentenan armá a drenta un kas na Kòrsou -adrès fiktisio: Kaya Saguaro #123- pa buska un presunto kriminal. Sigun e apoderashon di Korte (pa drenta e kas), e sospechoso ta biba na e adrès en kuestion. Kurioso ta ku ni doño ni habitantenan di e kas konosé òf a yega di tende di e sospechoso ku “ofishalmente ta biba einan”. Adrès robes? No. Agentenan a bisa di tin konfirmashon di Kranshi. Por sierto, despues di investigá, a konstatá ku tabatin sigur 4 hende mas ku e doño di kas no konosé, registrá na su adrès. Imposibel? No na Kòrsou.

Ta resultá ku ta posibel bai Kranshi i deklará ku for di awe bo no ta biba na e adrès unda bo ta registrá i deklará ku bo ta muda bai p.e. Kaya Saguaro #123. Esaki, sea ku e doño di kas na Kaya Saguaro #123 ta na altura òf no. Òf si e konosebo òf laga. Kranshi ta tuma bo deklarashon i hasi e kambio. Ta esaki e sospechoso a hasi. Na otro pais, e.o. Ulanda, un kambio di adrès ta rekerí un prosedura pa kuida integridat di datonan den registro.

Ku esaki ta posibel na Kòrsou, ta for di sla i peligroso. Na di promé lugá no mester balotá e spantu ora un batayon di agente armá drenta bo kas. No papia mes di e trauma ora bo adrès skeiru den medionan di komunikashon pa motibu di negligensia di otro. Fásilmente un hende por kousa problema na persona inosente. Por ehèmpel hendenan den mundu kriminal ta registrá nan mes na bo adrès. Tambe  esaki ta muestra ku e kalidat di datonan di nos registro ta laga di deseá ku tur tipo di konsekuensia pa elekshon, efisiensia pa kombatí kriminalidat i mas asuntu. Pero mas ku tur kos, e ta indikativo di un pais den kua desorden no ta un eksepshon.�

Mester tuma akshon. Mi a komprondé ku no ta asuntu di falta di lei. E ordenansa ku ta regla e asuntu aki ta: Basisadministratie persoongegevens ta vigente. Parse ku e sistema outomatisá, tambe tei. Loke falta ta aplikashon di e reglanan. Mi ta di opinion ku kada un di nos mester sa ken realmente ta registrá na nos adrès. Mesun kos ta konta pa nos instansianan ofisial.

CREDIT

Continue Reading
Advertisement
You may also like...

More in Curacao

A2Z ADMINISTRATION

Advertisement
Advertisement
Advertisement

AD

Trending

Advertisement
To Top