Connect with us

Net kibra di mini veld di futbol ta peliger pa mucha

Aruba

Net kibra di mini veld di futbol ta peliger pa mucha


Tin un situacion basta fastioso na Madiki, caminda cu e habitantenan di e bario a expresa nan preocupacion di un net kibra riba un miniveld di futbol cu ta basta deteriora 

John Hodge, un habitante di e bario, a comenta cu e bar di e veld ta kibra y manera den su caso, ora cu e muchanan bin hunga den e structura di net, ta manda bala den su cura.

El a sa di tuma contacto cu FCCA, cu por cierto sa di e problema. E luga ta total loss, Hodge a comenta. Mester busca material mas miho, segun el a opina.

E luga ta un peliger, segun Hodge. A purba di drecha e luga aña pasa. A kita tur waya di e structura. A dun’e un man di verf, pone waya y a pone e mesun net riba dje. Bisiña ta pone palo na nan cura p’asina bala no drenta. Pa Hodge, esaki ta un molester.

E muchanan chikito sigur no por practica n’e luga pasobra e ta keda un peliger, mirando e trafico.

Jopie Donk, un otro habitante di e bario, a comenta esaki sigur tabata un bon intencion di partido AVP. A trah’e nechi p’e muchanan hunga. Pero den curso di aña cos ta kibra. A bin pa drecha e structura, pero a pone e mesun material bek, pa colmo e net cosi cu liñ’i pisca. Ta yama pa bin drecha e net, pero no ta haci nada.

Tur hende por traha structura, pero pa mantene t’e cos. Tempo di campaña tur ta bin lepia na cas di hende, pero despues nan ta biba lubida.

Pa mayor cobertura lesa TREMPAN.





Source link

More in Aruba

To Top