Connect with us

Natazha Granada ta Miss Gay Aruba 2021

Aruba

Natazha Granada ta Miss Gay Aruba 2021


Diasabra ultimo a tuma luga e gran evento di Miss Gay Aruba 2021. Esaki a tuma luga na Cage Night Club. Un anochi cu varios show espectacular di parti dje candidatanan, yena cu creatividad, peluca extravagante y hopi color. Riba e anochi aki un cuerpo di hurado a haci nan excogencia pa loke ta trata e representante pa Miss Gay Aruba 2021. A duna di conoce resultado pa esaki diasabra anochi caminda cu e candidata Natazha Granada a bay cu e titulo maximo. Tambe el a logra obtene e titulo di Best Show & Fantasy. 

Segun Granada, tabatin dos motibo principal pa cual el a dicidi di participa den e certamen aki. E prome ta despues cu algun amistad di dje tabata ‘tease’ e pa e competi y e otro ta paso e kier a pone un reto pa su mes. E ultimo aki ta debi cu diescinco aña pasa e tabatin un ‘lack of confidence’ y asina e kier a demostra su mes cu e por haci esaki y bay cu e titulo maximo. Pa loke ta trata e preparacion mes, Granada a bisa cu esaki tabata bastante pisa durante e tres lunanan.

Su meta principal den esaki tabata pa conscientisa cu su mensahe di temporada, esta e no ta importa bo edad, bo beyesa of bo size, si bo ta sigur di bo mes “e cas aki ta mas cu habri pa bo”. Pues fihando pa mas libertad y mas respet p’e comunidad en cuestion. Den tur esaki ta considerando e posibilidad di bay competi internacionalmente representando Aruba. Granada a bisa cu a pesar cu e competencia tabata uno fuerte, e tabata uno sano y no tabatin ningun envidia, cada participante a desea otro suerte y ainda riba e anochi final tabata brinda otro compliment.

Pa termina, Granada a pidi mas respet for di gobierno y comunidad y brinda nan mas apoyo, ya cu nan no kier ta considera solamente un otro ‘sexo’, sino cu nan ta mesun ser humano cu tur otro ciudadano na Aruba y ta spera cu gobierno por ta mas habri cu nan.





Source link

Click to comment

Leave a Reply

Your email address will not be published. Required fields are marked *

More in Aruba

To Top