Connect with us

Nancy Grace ta bisa cu autoridad na Aruba a ‘menasa’ di detene y y mama di Natalee Holloway

Aruba

Nancy Grace ta bisa cu autoridad na Aruba a ‘menasa’ di detene y y mama di Natalee Holloway


Posted on 11/8/2021 8:43 pm AST | Updated on 11/8/2021 8:47 pm AST

ORANJESTAD – E personalidad di television Mericano Nancy Grace y mama di e persona Mericano desapareci na 2005 na Aruba Natalee Holloway, esta Beth Twitty, a wordo menasa cu detencion door di polis di Aruba, mientras cu dosnan aki tabata bishita un hotel local. Por lo menos asina Grace ta bisa riba su pagina di Facebook dialuna atardi. Grace tabata hopi popular durante e periodo cu Natalee tabata perdi na Aruba na 2005 y a presenta multiple programa di television riba e canal CNN, usando Natalee como e topico. Tanto Grace como Twitty ta na Aruba desde diadomingo, den un intento pa ‘repasa e pasonan di Natalee su pasonan’. “Nan na detene Joran vd Sloot (e homber sospecha di a mata Natalee, y cu actualmente ta den prizon na Peru pa asesinato di un Peruana:red) pero nan no por warda pa gara Nancy Grace y Beth Holloway” ta poni riba e pagina di Facebook. No ta prome biaha cu Twitty (e fam di soltera di Beth) ta bin Aruba pa atende cu e desaparicion di su yiu muher. E comentarionan riba e post di Grace, ta di centenares di persona, di cual ta comenta dividi riba e bishita. NOTA: E potret ta esun cu ta acompanja e post di Grace riba e pagina di Facebook di e personalidad Mericano. 

 





Source link

Click to comment

Leave a Reply

Your email address will not be published. Required fields are marked *

More in Aruba

To Top