Connect with us

Na mei a felicita pero na juni no ta cla

Aruba

Na mei a felicita pero na juni no ta cla


Tras e desaroyonan y e declaracion cu Prome Minister mr. Evelyn Wever-Croes a duna dialuna ultimo, por a haci un comparacion cu otro declaracion di e propio mandatario exactamente un luna prome, na mei, caminda ta ripara un contexto diferente tocante e mesun punto.

E video aki ta duna un imagen mas cla di loke a keda sin bisa den e anuncio inicial di dia 20 di mei tocante e acuerdo yega pa elimina recorte di 5% for di juli y pago completo di vakantie uitkering for di januari 2023.

Esey ta e fundeshi di sindicatonan pa papia tocante luchtkasteel cu a pinta pa nan y e posibel intencion di gobierno pa boycot e marcha di sindicatonan yama pa cuater dia despues, esta 24 di mei haciendo promesa incompleto.

A pesar cu den declaracion y comunicaddonan posterior Premier Wever-Croes a haci mencion na e tres condicionnan poni door di Hulanda pa bay di acuerdo cu e stop na recorte, toch ta e prome video ey ta crea henter un otro expectativa cu awe ta mira cu no ta cuadra cu e berdad. Na Ingles ta bisa: read the fine print, pero den e caso aki mester a lesa loke a bin despues.

Ta invita bo pa wak e video pa bo mes.





Source link

More in Aruba

AD

Advertisement

Trending

Advertisement
To Top