Na EPB Hato: Tres mucha a intoxica ora a bebe refresco

Un incidente basta alarmante a sosode ora cu a drenta e informacion cu tres mucha a intoxica despues di a bebe refresco.

No ta conoci si den e refresco tabatin un of otro substancia desconoci. Esaki a sosode na EPB Hato. Dos di e hobennan afecta mester a bay hospital pa ricibi atencion medico y controla nan condicion. E sintomanan di intoxicacion a manifesta poco despues di a bebe e refresco, generando preocupacion entre no solamente e studiantenan, sino tambe famia y e comunidad en general.

Ya caba ta haciendo e investigacionnan necesario riba e echo y con esaki por a sosode. Te asina leu no tabatin mas informe si mas hoben lo por a intoxica. Mas cu claro ta keda alerta di e conclusion di e investigacion cu ya caba ta den curso.