Na Corsou tabatin fluho haltou di Venezolano na Consulado Mericano pa Visa

Posted on 09/6/2023 9:48 am AST | Updated on 09/6/2023 9:49 am AST

WILLEMSTAD – Konsulado Merikano ta eksperensiando den último 3 luna, un fluho hopi haltu di venezolanonan ku ta bin aki pa pidi visa merikano. E informashonnan konfirmá pa Konsulado Merikano  a papia di 871 petishon pa visa di venezolanonan den 3 luna ku 44% di e totalidat di petishonnan.

Konsulado Merikano a konfirmá  e kantidat haltu di venezolanonan ku ta bin aki pa petishon di visa pa drenta Merka. E demanda a subi ‘skyhigh’ for di yüni e aña aki. Segun Konsulado Merikano, tin diferente faktor ku a kontribuí na e situashon aki.

Den pasado konsulado tabata ofresé un kantidat limitá di visa pa aplikantenan ku tin un mínimo di 10 aña bibá den Karibe Ulandes, esta entre otro Kòrsou.

Despues di e pandemia ku nan a habri bèk, konsulado a kambia su prosedura pa asina por ta igual na otro konsuladonan rònt mundu. Nan a kuminsá ofresé no imigrantenan tipo di visa H1B i E treaty Trader visa. Tambe nan a suavisá e rekerimentunan di residensia pa esun ku hasi nan sita na Kòrsou. Na mart 2023 tur petishon, kual sea na residensia por traha sita. Esaki segun Konsulado Merikano na Kòrsou, ta un standart ku ta apliká no aki so pero rònt mundu.

Algun luna despues  a eliminá e eksigensia di residensia, e buelonan regular entre Venezuela i Kòrsou a kuminsá bèk, despues ku frontera a habri. I teniendo na kuenta ku Venezuela no tin un embahada merikano mas i e tempu di espera na Bogotá ta mas ku un aña, hopi venezolano, mayoria ku tin di renová nan visa, ta traha sita na konsulado merikano aki na Kòrsou. Anteriormente e aplikantenan tabata bai Lisbon, Madrid òf República Dominicana pa nan petishon pa visa òf simplemente no tabatin niun otro forma pa renová esaki.

Riba nos pregunta kua nashonalidat ta esnan ku ta hasi mas petishon pa visa, Konsulado Merikano a duna e sifranan ku ta lo siguiente;

Venezuela, for di yüni te awor tabatin 871 petishon ku ta 44%, siguí pa Hulanda ku 259 petishon ku ta 13%,  Colombia ku 183 petishon ku ta 9%,  Haiti ta 137 petishon ku ta 7%, República Dominicana ku 125 petishon 6%, Jamaica 61 petishon 3%, India 48 petishon 2% i Guyana 28 petishon 1%.

Por ripara aki ku e kantidat di aplikantenan venezolano a subi drástikamente, pero tambe e kantidat di bishitanan di visa ku konsulado ta ofresé. Pa ehèmpel, miéntras ku personanan ku tin pasaporte hulandes awor ta konsistí pa 13% di e grupo di aplikantenan (ántes nan tabata pa 19%), konsulado ta entregando mas visa na esnan ku ta hulandes ku tabata hasi promé.

Si e sifranan di e último tres lunanan sigui, lo yega sigur na 1,000 aplikante hulandes e an?a aki, un kresementu di mas o ménos 25%.

Tambe konsulado a añadí un dia mas pa sita pa visa, i na luna di ougùstùs último, a prosesá mas ku mil aplikashon di visa pa promé biaha den historia. Pa por kompará, den an?a kalendario 2018, nan a prosesá 3,153 visa. Esaki ta nifiká pa un luna so, konsulado a prosesá kasi un terser di kiko nan normalmente ta hasi durante un an?a.

I ku tantu aplikashon ku nan tin, konsulado merikano ta sufisiente ekipá pa por atendé tur. E de­par­tamen­to a nota e trabou adishonal ku nan tin, i debí na esaki, nan a wòrdu atmití den e Servisio di Sosten Global, ku lo nifiká simplifikashonnan di nan servisio i lo duna e posibilidat na aplikantenan paga pa nan sitanan online. Esaki lo oumentá grandemente e efisiensia di konsulado merikano su operashonnan.

Tambe nan ta plania pa kambia pa e sistema nobo aki na komienso di e an?a benidero, i esaki ta motibu pa nan no por habri sita pa mas leu ku yanüari di 2024 na e momento aki.

Tambe nan a implementá un sistema di sita “expedited” pa por hasi sitanan disponibel inmediatamente pa aplikantenan den Karibe Hulandes ku nan ESTA a keda kanselá, i ku ta bayendo Estádos Uni?dos pa un emergensia berdadero, o?f ku ta biaha pa Estádos Uni?dos pa studia o?f trabou.

I miéntras nan ta sigui krese nan Kòrsou, nan ta spera di haña mas rekurso. Un ehèmpel di esaki ta konstrukshon di e edifisio nobo di  konsulado. NOTA: Texto ta scirbi den Papiamento fonetico di Corsou.