Connect with us

Muchanan di Imelda Hof a disfruta di un atardi yena cu actividad

Aruba

Muchanan di Imelda Hof a disfruta di un atardi yena cu actividad


Posted on 11/30/2021 4:22 pm AST | Updated on 11/30/2021 4:25 pm AST

ORANJESTAD – Un cantidad di hotel di ATSA a colabora den organisa un atardi di actividad na Imelda Hof riba diamars, 23 di november 2021. E organisacion kier a haci algo special pa e muchanan, den conexion cu Imelda Hof su 67 aniversario, y tambe e dianan di fiesta venidero.

Dos tayer a wordo ofreci, uno enfoca riba arts & crafts cu Creative Kids Club bao direccion di Joasy van der Biest. E proyecto Art In A Box, Joasy ta splica, ta parti di e concepto Mind Your Mind cual ta diseña pa promove salud mental den muchanan, siñando nan con pa trata cu nan emocionnan. E muchanan a disfruta tambe di un wega di futbol, patronisa pa Aruba Soccer Academy, bao liderazgo di David Abdul, cual a provee hopi accion y interaccion. E academia tambe a haci un donacion di keds di futbol nobo na e muchanan. Lyonel Dirks tambe tabata presente, kende a comparti su discurso di motivacion cual a wordo bon ricibi,

y Old Fisherman’s a sirbi algun platonan delicioso. Playa Linda Beach Resort a entrega algun tas cual a wordo brinda por medio di bishitantenan generoso kende a participa den e proyecto Pack For A Purpose, un programa cu e resort mes ta encarga di dje. E muchanan a pasa super bon y tabata contento di por a participa y cu hende a corda riba nan. ATSA orguyosamente a organisa un evento di servicio comunitario cu tabata bon atendi bao di e slogan di DREAM BIG, curashando e muchanan pa habri nan hala y sigui soña y aspira, apesar di tin comiensonan dificil.

 





Source link

Click to comment

Leave a Reply

Your email address will not be published. Required fields are marked *

More in Aruba

To Top