Connect with us

Monumentenbureau a renoba edificio monumental

Aruba

Monumentenbureau a renoba edificio monumental


Cu imenso placer y satisfacion, Monumentenbureau a keda cla cu e trabounan di mantencion pa e edificio monumental di Departamento Recurso Humano (DRH), conoci como e ex-De Arend Petroleum Maatschappij y ex-oficina di turismo. Den presencia di director di S&L Contractor N.V., Larry Nedd y director di Monumentenbureau, Yvonne Webb-Kock, a firma e proces-verbaal pa finalisacion di e proyecto.

Empleadonan di DRH a keda contento y gradici con bunita e interior y exterior di e edificio a keda. Sigur cumpliendo cu deseo di detayenan moderno y un ambiente agradabel. 

Un proyecto cu a topa algun contratiempo pero cu a termina cu un bunita resultado. Durante di trabounan a descubri un pida vloer historico cu a trece bek den su estado original. Monumentenbureau ta gradici Gobierno di Aruba, Minister di Asuntonan general mr. Evelyn Wever-Croes, Minister di Finansas, Economia y Cultura, Xiomara Maduro y Departamento Recurso Humano pa e confiansa y e fondonan aloca pa realisa e proyecto di mantencion.

Monumentenbureau ta gradici S&L Contractor N.V. subcontractor Aruba Climate Control N.V., empleadonan di Monumentenbureau, DRH y tur esunnan cu a haci e proyecto aki posibel, specialmente pa e pasenshi di e trahadonan di DRH. Monumentenbureau ta sigui aporta na mantencion di nos monumentonan.





Source link

Click to comment

Leave a Reply

Your email address will not be published. Required fields are marked *

More in Aruba

To Top