Moneda konmemorativo 25 aniversario Willemstad komo Patrimonio Mundial

Moneda konmemorativo 25 aniversario Willemstad komo Patrimonio Mundial

Moneda konmemorativo 25 aniversario Willemstad komo Patrimonio Mundial

WILLEMSTAD/PHILIPSBURG – Awe, Centrale Bank van Curaçao en Sint Maarten (CBCS) ta start
benta di e moneda konmemorativo di plata, di 5 florin, na honor di Willemstad su di 25
aniversario komo Patrimonio Mundial di UNESCO. E siman akí, direktor di CBCS, Leila
Matroos-Lasten, a hasi entrega di e promé ehemplar na Gobernador di Kòrsou, Lucille
George-Wout. E moneda ‘Willemstad’ ta diseño di e artista yu di Kòrsou Cleo Maxime de
Brabander, kende tambe a risibí un ehemplar di e moneda e siman akí.

E moneda konmemorativo a ser produsí pa Koninklijke Nederlandse Munt.  Riba su banda dilanti,
por mira Rei Willem-Alexander ku brùg Reina Juliana den fondo. Parti ariba na e mesun banda akí
tin kuater strea, simbolisando e kuater paisnan ku ta forma Reino Hulandes: Kòrsou, Aruba, Sint
Maarten i Hulanda.

Riba e banda patras tin un bista di siudat ku e kuater barionan ku huntu ta
forma e Patrimonio Mundial di UNESCO: Punda, Otrobanda, Skalo i Pietermaai. Riba e moneda,
por mira diferente monumento importante: Handelskade, snoa Mikvé Israel-Emanuel, Fort
Amsterdam den Punda i e edifisio ‘de Tempel’, ku ta marka komienso di bario di Pietermaai.

Loke ta hasi e moneda akí asta mas spesial ta ku e lo ta un di e ultimo monedanan konmemorativo
emití na florin di Antia Hulandes. Lo produsí e moneda Willemstad na e nivel di kalidat mas haltu,
konosí komo ‘Silver Proof’ i e edishon lo ta limitá na 600 moneda. Por lo demas, e moneda lo sirbi
komo medio legal di pago na Kòrsou i Sint Maarten, ku un balor nominal di 5 florin.

E preis di kompra di e moneda ta fihá na NAf 125 pa un. Kolekshonista di moneda i otro

interesadonan na Sint Maarten ta avisá pa traha un sita via e-mail pa cashdepartment-
[email protected]. Na Kòrsou, benta lo tuma lugá den e oranan di apertura regular di

Departamento di Kaha. Pa mas informashon, manda un e-mail pa
[email protected].