Connect with us

Mon Plaisir College den Prome Periodo: 88 porciento di graduado

Aruba

Mon Plaisir College den Prome Periodo: 88 porciento di graduado


Diahuebs tabata e dia cu mayoria studiante di scol secundario tabata warda riba dje, e dia cu lo defini nan futuro. 

Asina tambe ta e caso di e studiantenan di Mon Plaisir College MAVO, caminda e dia a yega pa e studiantenan haya nan resultado di e examen haci na mei ultimo. 

Mayra Sno, directora di e scol a cuminsa na bisa cu nan ta hopi contento cu e resultado di diahuebs: di un total di 73 alumno cu a haci nan examen, 64 a logra un resultado positivo den e prome periodo (Eerste Tijdvak), pero Snow ta sigur cu den e di dos periodo (Tweede Tijdvak) lo tin mas cu lo slaag. Pero asina mes 88% di e candidatonan pa examen, a slaag. 

Mas aleu, directora Sno a bisa cu e añanan anterior e porcentahe di candidatonan cu a slaag ta poco mas halto, pero e aña aki tabata tin varios reto cu nan a hay’e confronta cu ne. 

“it takes a village to raise a child” ta un proverbio African cu e directora a uza pa elogia e mayor- y e docentenan pa nan bon trabou pa por a logra e resultado aki. 

El a uza e dicho aki, door di e situacion fastioso di Covid, unda cu e muchanan tabata bira malo, tabata perde les cual a haci cu nan a logra den e prome periodo (Eerste Tijdvak). E comunidad di Mon Plaisir College a sa di ‘vang nan op’ y guianan pa asina nan tambe por logra den e di dos periodo (Tweede Tijdvak).

Por ultimo, e directora a felicita e studiantenan  cu a slaag, bisando cu “den bida nan lo hayanan cu hopi obstaculo, pero pa no ‘give up’”. Na e mayornan, pa nan sigui sostene nan yiunan, pasobra e muchanan mester di nan. Y por ultimo, el a gradici tambe e docentenan, cu manera el a bisa, sin nan input, e resultado faborecedor tabata posibel na Mon Plaisir College





Source link

More in Aruba

To Top