Connect with us

Ministerio Publico: Polis deteni na Sint Maarten ta bek den libertad

Aruba

Ministerio Publico: Polis deteni na Sint Maarten ta bek den libertad


Recientemente landsrecherche di Sint Maarten a detene dos miembro di cuerpo policial di e isla. Esaki ta den cuadro di un investigacion cu e recherchenan tin bao di nan encargo. Ta trata aki di un agente masculino y otro femenino

Den e informacion publica na e isla no ta specifica cua ta e motibo di e detencion.

E agentenan policial ta identifica como Virginia Maxwell for di Aruba y Igmar Woodley, kendenan actualmente suspendi for di nan funcion den cuerpo policial. Woodley ta un mayor y su detencion a tuma luga diasabra anochi, mientras cu esun di e brigadier Maxwell a sosode diadomingo mainta. 

Ministerio Publico den un comunicado di prensa a indica cu a suspende e detencion di dos polis sospechoso pa soborno, abuso di funcion y divulga informacion confidencial na un tercer persona.

Aunke nan ta sigui ta sospechoso den e investigacion yama ‘Hyacinth’.

Corte den Prome Instancia lo a tende e caso aki den e prome trimester di 2022.

A detene e agentenan aki dianan 30 y 31 di october pa Landsrecherche y e investigacion ta andando.

A suspende e dos agentenan aki for di nan funcion.

Den e comunicado di prensa aki, Ministerio Publico ta urgi pa ken cu por sa di e caso aki, pa asina tuma contacto cu Landsrecherche.

Landsrecherche ta investiga actonan delictivo cometi pa funcionario publico incluyendo polis. E organisacion ta haci investigacion relaciona cu corupcion, abuso di poder, faboritismo y mal conducta profesional, entre otro, a base di hecho y comportacion relaciona cu gobierno, persona of entidad huridico cu ta participa of ehecuta trabao publico.





Source link

Click to comment

Leave a Reply

Your email address will not be published. Required fields are marked *

More in Aruba

To Top