Connect with us

Ministerio di Husticia a introduci aplicacion mobil pa Cuerpo Policial

Aruba

Ministerio di Husticia a introduci aplicacion mobil pa Cuerpo Policial


Diamars Minister di Husticia, Rocco Tjon a anuncia introduccion di un aplicacion mobil pa KPA. Ta trata aki di e aplicacion mobil ACTPOL App.

Minister Rocco Tjon a cuminsa na bisa cu introduccion di e aplicacin aki ta un momento hopi importante, caminda cu lo cuminsa na haci miho uzo di informacion y e lo bira accesibel pa e coleganan cu ta traha riba caya. E aplicacion aki tin dos funcion hopi importante: un banda, e agente policial, a traves di e smartphone, lo tin acceso na tur informacion. Por ehempel, si nan kier controla un auto, a traves di e aplicacion aki, nan mes por haci esaki sin cu mester bay via un Centrale Meldkamer. 

Tambe ora di bay un asistencia, nan por haya tur informaicon necesario cu nan por atende cu e asistencia aki, na un manera mucho mas sigur pa nan mes. Nan por haya e historia di e adres unda cu nan lo bay brinda asistencia, a traves di e mesun aplicacion aki. 

Pa mehora nan trabou: Polis cu ekipo moderno pa facilita trabou di polis

Posted by 24ora on Tuesday, December 14, 2021

Mas aleu, e minister di husticia a sigui bisa cu, den cuadro di haci uzo di informacion inteligente pa combati criminalidad. Pero loke ta mas importante ta cu, via e app, ta eleve a siguridad di cada colega cu ta haci nan trabou riba caya. 

Esaki ta e prome stap y ta un proyecto piloto. Aki tres luna, cada colega cu ta haci uzo di e funcion aki, por duna nan feedback pa asina por adapta e version aki pa despues bin cu e version final.  

Na mes momento, den e prome cuartal di 2022, lo cuminsa c’un otro proyecto piloto cu introduccion di “Mobile Data terminal”. Lo instala esaki den e autonan di polis. Informacion lo bira mucho mas accesibel pa tur e agentenan policial. Pero e proyecto aki lo tin un otro toke, pa duna servicio na tur ciudadano di pais Aruba. 

Pa un relato mas amplio, lesa TREMPAN.





Source link

Click to comment

Leave a Reply

Your email address will not be published.

More in Aruba

To Top