Connect with us

Minister Xiomara Maduro ta admiti eror cometi

Caribe

Minister Xiomara Maduro ta admiti eror cometi


WhatsApp Image 2024 07 10 at 09.07.29 a56789c4

Masha critica a drenta contra Minister Xiomara Maduro despues cu el a haci un publicacion cu e ta regalando un cantidad di puppies. Critica pasobra como un politico y mandatario e lo mester sa miho y sterilisa su mascota. Den un declaracion publico, e mandatario ta admiti di a comete un eror y cu esaki ta basa riba su falta di informacion riba e ciclo cu mascotanan ta fertil. El a bisa lo siguiente. “Awe, mi kier tuma un momento pa comparti un asunto personal cu a lanta un discusion den nos comunidad.

Ayera mi a comparti un potret di mi dushi cachonan cu awo ta disponibel pa adopcion. E reaccion tabata hopi y mi ta hopi conmovi pa e amor y preocupacion pa e puppies aki. Sinembargo, mi ta reconoce e critica cu mi a ricibi, cual ta uno valido, tocante e responsabilidad di tin mascota.
Pa esnan cu conoce mi sa cu mi ta un persona cu stima mi cachonan masha y ta cuida nan hopi bon.

WhatsApp Image 2024 07 10 at 09.07.29 a56789c4

Mi mester admiti cu mi no tabata sa con trempan un cacho por ta fertil y como resultado, mi dushi cacho no a ser castra ni sterilisa na tempo. E descuido aki di mi parti tabata tin como consecuencia cu awo mi tin puppies. Como Minister di Finansa y Cultura, mi ta kere den ta semper un ehempel positivo pa nos comunidad.

Mi ta compronde awo mas cu nunca e importancia di castra y sterilisa nos mascotanan pa preveni mas cacho riba caya y pa asina proteha e bienestar di e animalnan. Keda cu tur e puppies no ta un opcion pa mi y mi deseo ta pa haya un hogar yena cu amor y responsabilidad pa cada un di nan. Danki Dios cu door di e post di ayera mi a cuminsa wordo contacta door di amantenan di cacho cu kier adopta e puppiesnan. Awor mi curason por ta trankil di sa cu nan lo bay ta bon cuida y cu nan lo tin un bon hogar.

WhatsApp Image 2024 07 10 at 09.07.29 1cf5130c

Laga nos traha hunto pa sigura cu cada mascota na Aruba tin un cas yena cu amor y cu nos por haci nos parti pa castra y sterilisa nos cacho na tempo.

Masha danki pa boso comprension. Hunto nos por crea un comunidad cu ta stima, balora y proteha nos dushi mascotanan.” Esey tabata e declaracion





Source link

More in Caribe

A2Z ADMINISTRATION

AD

To Top