Connect with us

Minister Ursell Arends: Otmar Oduber ta critica diferente cos sin propone ningun solucion

CANVA URSELL OTMAR

Caribe

Minister Ursell Arends: Otmar Oduber ta critica diferente cos sin propone ningun solucion


Diamars mainta Otmar Oduber a bay dilanti di Parkietenbos un bes mas pa denuncia maneho di gobierno y instancianan concerni relaciona cu situacion na Parkietenbos, na unda Oduber ta señala un cantidad di cos bayendo robes na Dump cu hasta comision di Parkietenbos recientemente a trece dilanti. Segun minister di Naturalesa, Ursell Arends, e no ta pone atencion na loke Oduber tin di bisa pasobra e ta politicamente irelevante pa su persona.

“E ta sali critica diferente cos, pero e mes no ta propone solucion. Dus ami no ta bay perde mi tempo cu su ponencianan,” segun Arends. Oduber ta señala cu tin uzo di Open Air Burner cual gobierno lo kier trece bek cu consecuencianan no faborabel na medio ambiente y esunnan cu ta biba den area di Parkietenbos.

Dump ta bira solar park!

“Ta su ponencia cu tin open Air Burner awor akinan tumando luga na Dump di Parkietenbos”, segun minister Arends. E mandatario ta bisa cu siman pasa Witteveen + Bos tabata na Aruba – e instituto cu ta yudando sanea Parkietenbos, y dentro di poco lo mi anuncia publicamente kico ta bay ta e plan, con e trabaonan ta bay inicia pa cuminsa sanea e area akinan y dun’e uzo positivo.” Minister Arends ta papia den converti e area den un solar park, esey dus ta e intencion di gobierno. Tin e fondonan den presupuesto y trabaonan pa ehecuta esaki lo inicia dentro di poco segun minister Arends.

1K9A9285 1

E ta bay bira duidelijk pa henter e area aki cu pa 70 aña tabata secuestra, cu porfin e solucionnan concreto lo keda implementa segun e mandatario ta splica nos. “Y mi ta kere hopi politico a bini y bay, priminti hopi cos y haci nada concreto.” Minister Arends ta bisa cu net awor akinan cu tin trabao di berdad, unda promesa di pasado porfin ta keda ehecuta awor, bo ta haya hende ta sali tur caminda pa critica.

E prome paso tabata pa cera e porta den Parkietenbos, percura pa paga e candela, y awor akinan trabao ta cuminsa pa sanea e area pa asina libera tambe e comunidad, e barionan cu pa hopi decada a biba masha malo den e areanan aki.





Source link

More in Caribe

A2Z ADMINISTRATION

Advertisement
Advertisement
Advertisement

AD

Trending

Advertisement
To Top