Connect with us

Minister ta haci tik tok y pueblo ta Tak Tuk na werki cu aumento di prijs

Untitled design 8

Caribe

Minister ta haci tik tok y pueblo ta Tak Tuk na werki cu aumento di prijs


E politico Otmar Oduber den un conferencia di prensa diaranson mainta a baha pisa riba Minister Ursell Arends. El a haci esaki pasobra mientras cu pueblo ta sufriendo cu e prijsnan  halto na Aruba, e mandatario ta socialisa trahando videonan di Tik Tok.

“Pueblo no por mas cu e medidanan cu tin riba comunidad. Pueblo no por carga e aumento drastico di tur cos aki na Aruba – awa, coriente, gas, seguro, cuminda – y e pueblo no por carga e aumentonan aki mas. Y ki ora cu bo scucha e ministernan papia, tur cos ta bon. Bo ta hogando pero pa nan tur cos ta bayendo bon.”

Mientras cu e pueblo na werki, minister ta haci cosnan leuk, ta baila y traha Tik Tok pa comunidad y otronan ta bay baila cu gruponan. E ta bisa di no ta mira ningun plan. E no ta mira ningun plan cu Raiz, of Accion21 a presenta pa e proximo cuater añanan. E unico cos cu Minister Ursell Arrends ta haci ta graba Tik Tok, y e pueblo ta na Tak Tuk, na werki. “Pueblo ta super consciente y ohala pueblo por a vota awe, kere mi cu lo tin un cambio enorme pasobra e pueblo aki ta cansa, fada y harta. Loke cu no tin ta oposicion, pasobra tur esnan cu ta oposicion ta biahando, ta keiro of ta haci Tik Tok. P’esey ohala pueblo por tin e oportunidad pa bay eleccion mas lihe posibel y lo mira un diferencia.”





Source link

More in Caribe

A2Z ADMINISTRATION

AD

To Top