Connect with us

Minister-president: Mas di diescuater miyon florin a bay p’e proyecto ‘Pakete di Cuminda’

Aruba

Minister-president: Mas di diescuater miyon florin a bay p’e proyecto ‘Pakete di Cuminda’


Siman pasa, Prome Minister Evelyn Wever-Croes a ricibi e rapport final di e Proyecto “Voedselhulp”, Pakete di Cuminda. Durante e pandemia, riba presion di Hulanda, Gobierno mester a tuma over e proyecto di “Voedselhulp”, over for di Rode Kruis Aruba na juli 2021 pa sigui yuda esnan cu a keda den necesidad despues cu Covid 19 a bati nos porta.

Hulanda lo a yuda Aruba financiamento pa esaki. Te fin di december 2021, un total di 6201 hogar, mas o menos 15 mil persona a haya atencion durante e periodo aki. E costo di e proyecto aki pa e periodo aki a yega na e suma di 14.2 miyon florin cua Aruba a paga den su totalidad.

Prome cu e periodo aki, e programa di pakete di ayudo alimenticio a wordo implementa pa Rode Kruis Aruba, cu a ricibi fondo directo for di Hulanda. “Nos a cumpli cu nos parti. Bureau Rampenbestrijding Aruba, Directie sociale zaken y Fundacion Pa Nos Comunidad a tuma e reto y a ehecuta e proyecto aki na forma hopi profesional. Pais Aruba a pone fondo disponibel y asina miles di persona por a wordo yuda durante e pandemia”, Prome Minister a duna di conoce. Diabierna 29 di april, a entrega e rapport final na Gobierno. Prome Minister ta gradici tur cu a haci e proyecto aki un exito.





Source link

More in Aruba

To Top