Connect with us

Minister Maduro ta spera cu pronto por refinancia debe cu Hulanda

Aruba

Minister Maduro ta spera cu pronto por refinancia debe cu Hulanda


Minister mr. Xiomara Maduro a informa cu, riba e necesidad financiero den presupuesto 2022 pa Aruba, cu e aña aki tin un necesidad financiero complete di 1651 miyon florin di cual 1360 miyon ta bay na servicio di debe, 110 miyon ta bay debe native y 291 miyon florin ta di e deficit presupuestario. Den e 1360 miyon florin tin e suma di 904 miyon florin cu ta consisti di e fiansanan ‘bulletlening’ cu Aruba a haci cu Hulanda pa asina por a ehecuta y cubri gastonan di gobernacion di Presupuestonan di aña 2020 y 2021 y tambe pa por a brinda Subsidio di Salario den aña 2020 y 2021. Na april 2022, e ‘bulletleningen’ aki ta madura. Minister Maduro ta spera di por logra refinancia e debe aki di 904 miyon florin cu Hulanda. Si logra, e ora lo mester cubri solamente e debe native y e deficit pa por ehecuta presupuesto pa aña 2022.

A cuminsa negosha cu Hulanda pa refinancia

Ya for di aña pasa a cuminsa negosha cu Hulanda pa asina por haya refinancia e debe aki haci pa Aruba por surpasa e efecto financiero y economico cu COVID19 a trece cu ne pa nos pais. E negociacion mester a para, mirando cu mester a warda pa e Gobierno nobo di Hulanda forma. Awor cu e formacion ta tras di lomba, ta spera cu pronto lo por tin un resolution pa por refinancia e debe aki di 904 miyon florin cu Hulanda.

Lo mester busca fondo pa financia e debe native y e deficit

Manera treci dilanti, e necesidad financiero pa 2022  ta consisti di debe internacional, debe cu Hulanda, debe native y e deficit presupuestario. Si logra yega na un acuerdo cu Hulanda pa refinancia e debe di 904 miyon florin, e ora lo mester busca fondo solamente pa e debe native y e deficit, ya cu e debe internacional ta cubri caba. Pa e ultimo aki Aruba a haya fondo for di Hulanda na september 2021. Pa financia e debe native lo acudi na e mercado di capital native manera a acorda cu Hulanda. E deficit lo mester wordo financia sea through sosten di likidez di Hulanda of busca riba e mercado di capital native. Ta trata di un suma complete di 401 miyon florin cu lo mester busca pa por haya ehecuta presupuesto 2022.





Source link

Click to comment

Leave a Reply

Your email address will not be published. Required fields are marked *

More in Aruba

AD

Advertisement

Trending

Advertisement
To Top