Connect with us

Minister Maduro ta sigura cu no tin KB riba mesa di RMR

Aruba

Minister Maduro ta sigura cu no tin KB riba mesa di RMR


Posted on 06/13/2022 3:40 pm AST | Updated on 06/13/2022 3:43 pm AST

ORANJESTAD – Minister di finanza Xiomara Maduro dialuna atardi den un comunicado a sigura cu ‘no tin ningun KB (Koninklijk Besluit) riba mesa, manera cu ‘algun medio di prensa a cuminsa specula’. E mandatario ta sigura cu CAFt ta duna su conseho riba presupuesto y cu gobierno a reacciona. Ademas, segun e mandatario, CAFt ta meramente haciendo su trabouy di supervision financiero y su persona ‘ta focus su trabounan riba mehoracion di finanza publico’. E mandatario ta bisa specificamente tambe den su articulo:” No tin ningun KB riba mesa”.  

REACCION CAFt

E mandatario ta reacciona asina riba e ultimo reaccion di e colegio di diabierna ultimo, unda cu e ta duna gobierno 14 dia pa reacciona cu contestanan satisfactorio, sino ‘no ta keda CAFt nada otro di raporta na Rijks Ministerraad y e raportahe ey por inclui un aanwijzing’, osea un instruccion of KB manera e ta wordo yama tambe. Pues no ta prensa ta specula, sino ta CAFt ta alerta gobierno cu e por haye cu un ‘KB’ proximamente si e no cambia e contendido di presupuesto 2022. 

REACCION GOBIERNOLoke ta pasa, ta cu basa riba e ultimo reaccion di gobierno, unda cu gobierno a bisa claramente, cu no por haci mucho mas cu e conseho y cu CAFt por conseha pero no ta nifica cu gobierno ta acepta of tin cu tuma e conseho sin mas. Y prome minster Wever Croes tambe a confirma recientemente cu tin un diferencia di opinion entre CAFt y gobierno riba hopi di e puntonan aki. Cu e pensamento aki, ta mustra cu no por spera mucho cambio den e contesta siguiente di gobierno. Y CAFt di su banda tabata hopi cla cu gobierno mester adapta e presupuesto 2022 usando tur e 12 consehonan, y cu si esaki no sosode, e lo por raporta bek na RMR cu e consecuencia conoci. Ta keda awor na gobierno pa contesta prome cu 24 di juni, di un forma convincente, pa evita un KB, manera cu e mes ta bisa cu ‘no ta riba mesa’. 

 

 





Source link

More in Aruba

To Top