Connect with us

Minister kier logra pa huez prolonga ‘surseance van betaling’ di Serlimar

Aruba

Minister kier logra pa huez prolonga ‘surseance van betaling’ di Serlimar


Posted on 10/28/2021 10:45 am AST | Updated on 10/28/2021 10:45 am AST

ORANJESTAD – Ta e intencion di minister di Naturalesa, Ursell Arends pa pidi pa alarga e actual surseance van betaling di Serlimar otro aña februari pa e por keda na bida y logra sali for di e 20 miyon di debe (7 miyon cu companicu tin aworaki. Asina e mandatario a bisa noticiacla den un entrevista live. E mandatario a confirma tambe cu e la yega na un ‘acuerdo’ cu e trahadonan di Serlimar cu a pone cu nan a bay di acuerdo pa reanuda nan trabou awe diahuebs despues di 3 dia di accion. 

LISTA DI PROBLEMA

E mandatario a wordo confronta cu un lista di por lo menos 6 punto diabierna siman pasa, unda cu el a pidi despues permiso di Raad van Toezicht di e compania pa por a ‘reuni cu e empleadonan’, dialuna mainta. Algo cu normalmente no por segun structura di e compania, ya cu minister no ta papia cu e trahadonan sino ta e director. E minister ta papia cu RvT, y nan ta papia respectivamente cu e director etc. Den e caso aki, e mandatario a pidi e permiso pa cambia e proceso temporalmente. 

TESTCASE PA CORUPCION

Segun e mandatario, Serlimar ta un case study perfecto pa ilustra con corupcion ta tuma lugar. Loke e mandatario kier men, ta cu mester siña respeta e canalnan oficial pa cana. Algo cu no a pasa den pasado, cu a conduci na metemento, y corupcion. “Ami como minister no tin ningun deber di mete den un compania asina. Pesey tin regla di bon gobernacion. Den pasado nos a wak cu politico ta mete directamente den e maneho di compania cu a conduci na e situacion financiero” sr Arends a bisa. 

SURSEANCE

E compania actualmente ta den un proteccion di su creditornan, via un surseance van betaling, a punto di bancarota. “Ami como minister a trece bon cla na e trahadonan y sindicato, cu nos ta na punto di bancarota. Mi kier pa Serlimar tin un futuro. Mi kier purba rescata esaki, pero si nos mustra huez cu ni gerencia, ni sindicato, ni RvT ni bewindvoerder, ni minister tin e trahadonan den control, con nos por expect pa huez prolonga e surseance cu un aña y mei pa mustra huez cu por paga e debe di 20 miyon cu tin, y alavez rescata e compania.  

TEMPO SUFICIENTE

A mustra cu tin tempo suficiente di awor pa februari pa ora cu e tempo yega, por rescata e compania Serlimar. Asina e mandatario a tende di e ‘bewindbevoerder’. “Pero ta bay tin cos cu ami como minister mester atende cu ne” sr Arends a bisa. Entre otro, ta papia cu e minister mester apunta un presidente di RvT, y esaki no a sosode ainda. Ademas mester apunta otro miembronan, cu na nan turno ta apunta un director nobo pa e compania. 





Source link

Click to comment

Leave a Reply

Your email address will not be published.

More in Aruba

To Top