Connect with us

Minister Glenbert Croes: E meta ta pone tur trahado bek na trabou

Aruba

Minister Glenbert Croes: E meta ta pone tur trahado bek na trabou


Recientemente Gobierno di Aruba a anuncia cu november ta e ultimo luna di FASE. Esaki despues cu desde april 2020 e prome pago di FASE a bay pa 10.777 hende pa un total di 10,254.386 miyon. Despues di esaki, Gobierno a introduci Subsidio di Salario esta ‘Loonsubsidie’, pa sigura cu companianan ta mantene e trahadonan na trabou. Te cu october 2021, 19 luna despues, ainda tin mas di 2000 hende riba FASE.

Hopi a entrega, hopi a sacrifica, pa colectivamente gran parti di nos poblacion por keda cu pan riba mesa. Un contribucion admirabel di empatia y hermandad. Pero Aruba awor ta den su recuperacion. Companianan ta acercando DPL cu nan mester di trahado y no ta hayando. Corectamente, manera e mandatario a declara, cu por ta cu e trabou cu tin eyfo no ta e trabou di bo soño. Pero mester considera esaki un trampolin pa despues yega na algo miho.

Den e cuadro aki cu Ministerio di Labor tin e programa cu yama “Aruba Kier Traha” unda cu lo cuminsa ofrece diferente cursonan via Enseñansa pa Empleo pa yuda nos hendenan cu nan recapacitacion pa por integra facilmente y cumpli tambe cu e demanda di mercado laboral. E prome curso cu lo wordo ofreci ta esun di Change of Mindset. Pakico esaki? Hopi hende a cay den e conformismo di ta na cas. E mentalidad aki mester wordo transforma. Nos kier inyecta y contagia nos hendenan bek cu optimismo, speransa y oportunidadnan nobo. 

Mescos cu Gobierno a yuda pueblo pa sobrebibi e pandemia ocasiona pa COVID 19, awor ta haci un yamada riba bo, pa uni den e esfuerso pa hunto pone nos Pais, nos mes, nos famia bek riba pia.





Source link

Click to comment

Leave a Reply

Your email address will not be published. Required fields are marked *

More in Aruba

To Top