Connect with us

Minister Endy Croes: π—Ÿπ—” π—¦π—”π—Ÿπ—Ÿπ—˜ COLLEGE EXAMENKLAS 𝗔 HACI UN π—•π—œπ—¦π—›π—œπ—§π—” NA MINISTER DI ENSEΓ‘ANSA Y DEPORTE Y PREMIER WEVER-CROES ASERCA DI CON PAIS ARUBA TA WORDO GOBERNA

Aruba

Minister Endy Croes: π—Ÿπ—” π—¦π—”π—Ÿπ—Ÿπ—˜ COLLEGE EXAMENKLAS 𝗔 HACI UN π—•π—œπ—¦π—›π—œπ—§π—” NA MINISTER DI ENSEΓ‘ANSA Y DEPORTE Y PREMIER WEVER-CROES ASERCA DI CON PAIS ARUBA TA WORDO GOBERNA


En conexion cu nan les di geschiedenis pa cu nan examen final MAVO

Minister di EnseΓ±ansa y Deporte Endy Croes hunto cu nos Premier Wever-Croes, a ricibi bishita di alumnonan di examenklas di La Salle College. Un total di 36 alumnoΒ  y 3 docente a realisa e bishita aki. Prome alumnonan y docentenan a bishita Parlamento di Aruba na unda cu nan a ricibi informacionnan con Parlamento di Aruba ta funciona, cu ta esnan cu tin tarea pa controla Gobierno y despues e alumnonan a pasa pa Bestuurskantoor na unda cu Premier Wever-Croes y Minister Endy Croes a ricibinan y duna un amplio informacion y splicacion con Aruba ta wordo goberna y aserca di cada funcion. Prome Minister a cuminsa ta elabora un poco riba e trabou di un Minister, responsabilidadnan, Conseho di Minister y e organo mas halto cu ta tuma decision den gobierno. Despues Minister Endy Croes tambe a splica aserca di tur su trabounan como Minister di EnseΓ±ansa y Deporte y cu apesar di tur retonan den enseΓ±ansa cu ta existi, ta trahando pa logra soluciona cada un di e retonan akin a bienestar di nos studiantenan y maestronan.

E grupo di studiante a lansa varios preguntanan hopi interesante specialmente riba e temanan di enseΓ±ansa y deporte. Minister Endy Croes a contesta cada pregunta brindando hopi informacionnan na e alumnonan di La Salle College examen klas. Minister Endy Croes aΒ  a splica e hobennan cu gobierno ta trahando riba mas oportunidad, pa mas estudionan por wordo realisa na Aruba, pero cu Aruba ta keda un Pais chikito. Recientemente durante β€˜werk conferentie studie success caribische studenten’ trahando cu Corsou y Boneiro, Sint Maarten, St Eutatius y Saba pa mira si hunto por ofrece mas oportunidad na nos hobennan.

Minister Endy Croes y Premier Wever-Croes a gradici La Salle College pa nan bishita na bestuurskantoor y deseanan tur clase di exito cu nan examen final. Y ta sumamente importante pa nos hobennan ta na altura con pais Aruba ta wordo goberna. Minister Endy Croes ta garantisa cu nos tin hobennan potencial cu ta intresa pa drenta despues di nan studio arena politica.





Source link

More in Aruba

To Top