Connect with us

Minister Dangui Oduber: Wondepolie a celebra 25 aña aliviando e dolor di miles di pashent

Caribe

Minister Dangui Oduber: Wondepolie a celebra 25 aña aliviando e dolor di miles di pashent


Pic 25 anja di Wonden Poli na Aruba.1 1

Dialuna mainta Minister di Turismo y Salud Publico sr. Dangui Oduber a atende e celebracion di 25 aña di existencia di e centro di cuido di herida na Horacio Oduber Hospital (HOH). E departamento a demostra di ta un centro di speransa y sanacion pa cada un ciudadano di Aruba. 

Minister Dangui Oduber ta orguyoso cu tin un centro di cuido di herida avansa cu ta brinda un nivel halto di cuido. E comunidad di Aruba ta ricibi e miho cuido ora ta trata di heridanan, di esun di mas simpel te cu e heridanan cronico y complica. Como Minister di Salud Publico, Sr. Oduber tin tur e confiansa den e experticio di Aruba su profesionalnan y di capabilidad di duna cuido den nos region.

E vision di ministerio di salud ta pa por sigui brinda tratamento, no solamente na nos comunidad, pero tambe na e ciudadanonan di e otro islanan den Caribe Hulandes. Esaki lo aporta alabes na Aruba su turismo medico. Hopi di e pashentnan cu mester trata herida ta personanan cu ta sufri di diabetes, esaki hopi biaha ta bin door di sobrepeso. Pa es motibo Minister Dangui Oduber ta keda enfoca riba e plan nacional di prevencion pa sigui conscientisa y informa e comunidad pa hiba un bida mas saludabel. 

Pic 25 anja di Wonden Poli na Aruba.1 1

Pa finalisa, Minister Dangui Oduber ta gradici e personal di hospital specialmente e doctor- enfermeranan y personal cu a mustra un compromiso di semper pone e pashent central y pa sigura e miho cuido posibel. Ta pa remarca cu e exito no tabata posibel sin e dedicacion y trabou duro di e ekipo excepcional di wondenpoli na HOH. 

Pabien un biaha mas y danki pa alivia e dolor di miles di pashent na Aruba.





Source link

More in Caribe

A2Z ADMINISTRATION

AD

To Top