Connect with us

Minister Dangui Oduber: Creacion “Dokter bou un dak” ta fortifica e prome linea di cuido na Aruba

Caribe

Minister Dangui Oduber: Creacion “Dokter bou un dak” ta fortifica e prome linea di cuido na Aruba


Pic HOEDnaImsan.1

Diamars atardi Minister Dangui Oduber tawata invitado na ImSan pa apertura di HOED na San Nicolas. Ta cu gran placer y entusiasmo minister Oduber a atende e evento aki pa mustra e compromiso cu e tin ma mehora calidad di cuido y servicio.

HOED lo bay yuda fortifica e prome liña di cuido na Aruba. E ocasion special aki ta significa un paso padilanti den ministerio di salud su compromiso pa mehora e calidad di servicio di cuido di salud disponibel na nos pais.

Pic HOEDnaImsan.6

Na Juni 2023 a firma un acuerdo di cuido (zorgakkoord) cual un di e temanan importante tawata pa reenforsa e prome liña di cuido. HOED lo reenforsa e prome liña di cuido y trece mas accesibilidad na e pashentnan cu mester di e cuido y lo amplia e capacidad pa sirbi mas pashent. Asina aki lo demostra cu esfuersonan continuo di tur den salud publico ta pa keda vanguardia e calidad di cuido na Aruba cu innovacion y excelencia medico.

Minister Dangui Oduber tawata tin e oportunidad di hiba palabra unda e la menciona cu p’e ta un honor pa como Minister di Salud Publico presencia e logro aki. El a menciona cu sigur e resultado lo ta un impacto profundo di un servicio di calidad halto cu lo ofrece na e aseguradonan pariba di brug.

Pic HOEDnaImsan.2

HOED cu ta “Huisartsen Onder Een Dak” lo bay ofrece servicio consistiendo di 5 dokter di cas, 3 dokter assistant, 1 POH y un VP.

Minister a expresa aprecio profundo pa e dedicacion y contribucion di cada trahado na ImSan. E compromiso cu ta keda demostra unda cada pashent cu ta pasa door di e portanan di ImSan ta ricibi un tremendo servicio y trato medico ta alinea perfectamente cu e vision di Ministerio di Salud, pa un pais mas inclusivo, imnovativo y avansando e servicio di cuido.

E apertura di HOED a demostra un otro accion concreto di minister pa introduci algo nobo pa Aruba su cuido medico. Di e forma aki ImSan ta amplia su servicionan pa comunidad. E ultimo 10 simannan a traha hopi duro pa prepara e oficinanan pa nan ta operacional. Un biaha mas minister Oduber a confirma cu accionnan concreto e compromiso cu e tin pa eleva e calidad di cuido medico na Aruba.

Minister Oduber a termina su speech dunando felicitacion na ImSan pa yega na un otro logro impresionante y a desea nan hopi exito.

Na mes momento e minister a gradici tur e dokternan cu ta bay cu pensioen, danki na dr. Geerman-Tromp, dr. Every, dr. Lunchman y dr. Boderie. Un palabra di profundo gradicimento pa nan servicio y dedicacion na tur añanan di trabou.





Source link

More in Caribe

To Top