Connect with us

Mini dump na Bottom Hillweg y Juwana Morto

Caribe

Mini dump na Bottom Hillweg y Juwana Morto


” frameborder=”0″ allow=”autoplay” allowfullscreen>

Tiramento di sushi den e mondinan, creamento di mini dump ta keda un problema. Desde cu a cera e dump di Parkietenbos esaki a bira pio. Hende no ta importa unda tira sushi y crea dump.

Na Bottom Hillweg y Juwana Morto tin un mini dump. Na Bottom Hillweg tin cantidad di sushi manera taira, cement, pego y hopi mas. Como dump ta cera, tur hende ta busca un luga pa haci nan trabou mas facil di simplemente yega cualkier mondi y tira nan sushedad.

CK8A3538

A bin topa cu un contratista di Serlimar cu ta haciendo e area menciona limpi. Desde dialuna nan ta haciendo e area di Bottom Hillweg limpi, ta hala hero, ta hala taira un banda. Pero awe, nan a yega n’e sitio y a bin topa cu otro cero di sushedad poni un biaha mas den ora di atardi pa anochi na Bottom Hillweg.

Ta increibel di mira con hende ta yega trece nan sushedad y bay. Tambe a cende sushi na candela. Esaki ta peligroso mirando cu ta den naturalesa. E contratista di Serlimar ta bringa dia pa dia, ta hark pa kita e sushinan. Sinembargo, ta bolbe topa cu sushedad.

Ta pidi instancia concerni pa presenta na Bottom Hillweg p’asina duna un man pa haci limpi. No pasobra tin e contratista di Serlimar pa haci limpi, pero ora ta un persona so ta yega pa haci limpi tur dia y ta topa cu e sushedad, e ta bira dificil pa logra cu e meta di mantene e area limpi.

P’esey ta pidi sea DOW of Bureau City Inspector pa presenta n’e sitio y yuda haci e area limpi. Tambe pa cera e area cu baranca, pasobra ta imposibel di e sushedad cu tin na Bottom Hillweg. Ta imposibel cu pa dos dia e trahado ta purbando di mantene e area limpi. Pero cada bes cu e presenta eynan, e ta topa cu sero di sushedad.

Otro caminda cu tin mini dump ta na Juwana Morto, cual ta bisiña di Bottom Hillweg. Ta increibel cu hende ta pasa den e area y tira sushi. Aki tin cantidad di palet tira, hopi sushi incluso bestia morto. E holo di bestia morto ta insoportabel.

N’e sitio aki ta pidi pa e instancianan concerni presenta y tira un bista asina cu keda cla na Bottom Hillweg. Henter e strip, esta di Juwana Morto pa Bottom Hillweg, tin diferente mini dump. Ta pidi Bureau City Inspector si por yega eynan pa duna un man y haci e luga limpi. 





Source link

More in Caribe

A2Z ADMINISTRATION

AD

To Top