Connect with us

Mike y Doina a enfoca riba idealimso riba Pasco Grandi

Groep foto Pasco Grandi 1 scaled

Caribe

Mike y Doina a enfoca riba idealimso riba Pasco Grandi


Groep foto Pasco Grandi 1

Den un serie di bishita na e misanan rond Aruba, Ex Prome Minister de Aruba, Mike Eman y su casa, Doina Eman, a enfoca nan devocion na idealismo y compasion durante e celebracionnan di Diadomingo di Resureccion. Mike y Doina a comparti cu e muchanan regalonan di cariño compaña cu un mensahe di amor y empatia.

Meymey di e solemnidad di e misa de Pasco Grandi, Mike y Doina Eman a mustra nan cariño pa e muchanan y alabes accentua e importancia di altruismo y convivencia den nos sociedad.

Nan gesto ta bisa hopi di nan visión pa un sociedad más caritativo y compasivo y un sociedad inclusivo. Ademas, nan a tene na e oportunidad pa pidi oracion pa un gran amigo Haitiano cu ta luchando cu un estado di salud critico. E amigo aki ta bon conoci y aprecia den comunidad como Daquin.�

Pasco Grandi pic 7

Eman su presencia a wordo ricibi cu admiracion y aprecio di parti di e muchanan, e mayornan y e pastoornan cu a tuma un momento pa bendiciona e pareha y reconoce nan pasion continuo pa trece alegria pa e muchanan y pa apoya e comunidad Haitiano durante celebracionnan importante manera Pasco y Semana Santa.

E lider politico a comparti cu esunnan presente den misa “cu Pasco Grandi ta un temporada pa reflexiona, renoba y comparti amor cu esunnan menos fortuna. Doina cu mi ta honra pa por contribui na e alegria di e ocasion y amplia nos mas sincero apoyo pa nos amigonan. Hunto nos por crea un futuro mas briyante pa tur.”

Como defensornan di idealismo y compasion, Mike y Doina Eman lo sigui comparti e berdadero espirito berdadero di Pasco, enfocando e poder di empatia y solidaridad pa construi un miho mañan.





Source link

More in Caribe

To Top