Connect with us

Mike Eman (AVP): FASE ta un engaño mas di partido MEP

Aruba

Mike Eman (AVP): FASE ta un engaño mas di partido MEP


Durante di e pandemia, na e momentonan mas vulnerabel cu nos hendenan tabata pa haya un sosten financiero, por a mira tambe e promesa cu FASE introduci cu lo keda permanentemente, pasobra despues di esey lo bin un TIO.

Por a mira tambe riba e promesa cu lo baha prijs di awa y coriente cu nunca lo a realisa, cu lo baha prijs di gasolin. Awo gasolin ta mas caro cu nunca den historia di Aruba, un peso enormemente grandi riba nos comunidad, segun lider di fraccion di AVP, Mike Eman durante un entrevista den Noticiero Enfoke.

Eleccion 2017, e mesun tipo di promesa aki cu a resulta un engaño electoral (kiesersbedrog), caminda cu a bisa cu lo baha edad di pensioen cu nunca a realisa.

Tabata sa cu e ta un imposibilidad cu ta priminti, pero a haci e promesa aki pa por gana voto durante campaña.

Esaki ta un desapunto hopi grandi pa nos comunidad. Ta den liña cu e engaño electoral cu a bin ta custuma cu ne durante di e ultimo añanan di partido MEP y aparentemente nan a haya e oportunidad pa ripiti esaki.

Den Parlamento dialuna, a trata cu lo bin medida cu lo bin den AZV, caminda cu tambe den campaña un cierto momento a tuma medida y na caminda a hala nan atras, pa loke ta e lista positivo di remedi, creando e impresion cu ta hala nan aden definitivamente.

FASE tabata un cabay di campaña grandi di partido MEP. Logicamente cu nan a duna FASE cu no ta e caso, ta placa di pueblo a duna FASE. Pero a bay asina leu di bisa cu un otro partido lo para FASE.

Partido AVP ta conoci como e partido cu hustamente semper a duna nos hendenan mas vulnerabel loke nan tin mester pa sobrevivi tempo dificil y ta bay bek te na e redoblacion di pensioen, pensioen general cu AVP  introduci, reparatietoeslag, schoolkindertoeslag, aumento di bijstand. Un engaño asina grandi contra un partido cu semper a percura pa indexering di e empleadonan publico, voorjaarspremie, najaarspremie. Tabata un engaño dobel cu hustamente un partido cu a cuida esunnan mas vulnerabel den comunidad, cu nan lo ta esunnan cu lo bay kita un FASE mañan y awo a resulta cu ta esunnan cu a introduci FASE cu placa di pueblo, a haci campaña cu ne, a priminti cu lo continua cu FASE, y awe pueblo ta haya e baño di awa friu cu esaki tabata un otro engaño, mescos cu e engaño cu lo baha edad di presion, baha prijs di awa y coriente, y lo baha prijs di gasolin cu awe ta mas halto cu nunca.

Pa un cobertura mas amplio lesa e edicion di TREMPAN di mañan.





Source link

Click to comment

Leave a Reply

Your email address will not be published. Required fields are marked *

More in Aruba

To Top