Connect with us

Mike Eman (AVP): Cortamento den enseñansa ta sigui

Aruba

Mike Eman (AVP): Cortamento den enseñansa ta sigui


Ta hopi alarmante loke por a tende di sindicato Simar anuncia diamars, unda cu lo a informa nan cu lo corta 11 miyon mas den enseñansa.

Segun lider di fraccion di AVP, Mike Eman, enseñansa ya a corta miyones di florin durante di e periodo di Lampe. Hopi a pensa cu por ta cu e otro minister lo bin un cambio. Pero ta sigui cu cortamento den enseñansa. Tur e scolnan cu Eman a bishita den e ultimo dianan cu a pasa, ta mustra cu nan tin hustamente e necesidad pa mas asistencia financiero. Scol ta cuminsa cay den deterioro atrobe, no tin mantencion. Hopi programa cu mester den e scolnan no ta financia y awo ta bay corta den finansa den esaki, segun Eman.

Como parti di AVP su pensamento unda cu cualkier di e medidanan cu tin di haber cu exigencia di Hulanda, ta kere cu e gobierno aki ta haciendo un fout hopi grandi di no hiba un deliberacion cu un mandato mas amplio di e pueblo aki.

Gañamento di parti di prome minister Evelyn Wever-Croes, no conoce su limite. Hecho cu el a purba di bisa cu Hulanda a bis’e cu ta pasobra Mike Eman a priminti na 2013 of 2014, awe na 2021, ta p’esey e medidanan aki ta bin. No tin limite na su fantasia of na su falta di sinceridad pa defende cu e mes a acorda. Por a mira cu den e landspakket un biaha mas Wever-Croes a acorda pa bin cu e medidanan aki contra nos comunidad.

Pa un cobertura mas amplio lesa e edicion di TREMPAN di mañan.





Source link

Click to comment

Leave a Reply

Your email address will not be published. Required fields are marked *

More in Aruba

To Top