Connect with us

Mike Eman (AVP): Banco Central a para firme contra cierto cambio cu gobierno kier bin cu ne

Aruba

Mike Eman (AVP): Banco Central a para firme contra cierto cambio cu gobierno kier bin cu ne


Den parlamento tabatin un reunion y e reunion aki ta relaciona cu cierto cambio cu gobierno kier haci.

Den esaki tin conseho cu mester a drenta di entre otro Banco Central, cu ta un instancia importante den e cambio di ley aki.

Banco Central a manda un conseho negativo riba e cambio cu gobierno kier introduci. Sinembargo gobierno tin su marionetanan cu kier pusha, pero asina mes a convence pa no tene cos solamente na un carta di Banco Central firma, pero a wanta un rato y a yama e presidente di Banco Central, cu su conseheronan pa presenta na parlamento di Aruba.

Ora cu nan a kere cu kisas si nan trece e presidente di Banco Central, Jane Figaroa-Semeleer, nan lo a pone papia un otro tono contrario di loke Banco Central ta bisa, cu ta contra loke cu gobierno kier haci, ta kiboca.

Director di Banco Central a bin parlamento y a mustra gobierno den sala di parlamento cu nan ta para pa loke nan a pone den e carta cu no ta bon.

Riba e hecho aki, ex-prome minister y lider di fraccion di AVP, Mike Eman a comenta cu ta hopi cla cu Banco Central tabatin un opinion hopi firme riba e forma con gobierno a hinca cierto ley den otro. Ta un ley cu mester crea un deposito pa si cualkier momento tin un problema cu un instituto bancario cu tin reserva cu ta bay acumula pa momento asina.

Banco Central corectamente tabata di opinion cu un instituto asina mester ta ‘publiek rechtelijk geregeld’, un ley den parlamento cu ta institui e instituto aki cu tur su garantianan pa e por funciona den un forma independiente, cu e por funciona den un forma protegi pa haci e trabao mas miho posibel.

Di un otro banda gobierno a presenta un apoderacion pa haci e instituto aki un stichting. Banco Central no tabata di acuerdo y tabata di opinion e mester tabata ‘publiek rechtelijk geregeld’.

Pa prome biaha, Eman a mira un carta asina caminda cu Banco Central no unicamente a papia un idioma firme, sino a distancia su mes den un forma hopi fuerte for di e concepto cu gobierno a scoge. Y a bisa den e carta cu si parlamento kier nan ta bin pa duna mas aclaracion. A base di e oferta ey tambe a insisti pa nan bin.

Pa un cobertura mas amplio lesa e edicion di TREMPAN di mañan.





Source link

Click to comment

Leave a Reply

Your email address will not be published. Required fields are marked *

More in Aruba

To Top