Connect with us

Mike Eman (AVP): Aruba mester haya e chens pa scoge di nobo

Aruba

Mike Eman (AVP): Aruba mester haya e chens pa scoge di nobo


Por a tuma nota recientemente cu sindicatonan na Aruba ta basta activo pa loke ta trata e situacion na nos pais. Ta algo cu lider di fraccion di AVP, Mike Eman, a tuma nota di dje.

“Direccion di pais Aruba ta bayendo hopi robes”, e ta comenta. E landspakket cu prome minister Wever-Croes a firma ta yen di cos cu ta unicamente sufrimento p’e pueblo aki. Kier introduci cambio den ley laboral cu ta bay ‘hire and fire’. Kier bin cu un BTW di 12.5%, cu ta bay afecta pais Aruba y e pueblo severamente.

Ta bay causa un inflacion grandi y kier bay posiblemente hasta deshaci di e companianan di gobierno (SETAR, WEB, Elmar). Ta papia di haci un investigacion si ta bale la pena pa tene e companianan aki. Por mira un intencion di parti di e landspakket y ta papia di dolarisacion. Esey ta nifica cu practicamente kier deshaci di Banco Central di Aruba, caminda cu tin por lo menos 120 pa 150 profesional ta traha. Ta personanan cu ta conta hopi riba nan riba nan conseho di maneho, no solamente monetario, pero p’e maneho social economico di Aruba.

E direccion robes aki ta preocupa partido AVP, pero tin cu lucha hunto. “Esaki ta un lucha cu por a cambia dia 25 di juni, el a pasa. Pero awo ta momento pa sindicato y tur esunnan cu tin interes den e pais aki, interes di nan miembro y di e pueblo aki na pecho pa sali duro padilanti. Pasobra mas lihe posibel Aruba mester haya oportunidad pa haci un escogencia di nobo.”





Source link

Click to comment

Leave a Reply

Your email address will not be published. Required fields are marked *

More in Aruba

To Top