Connect with us

Mike de Meza (AVP): Fraccionan di MEP y RAIZ no a duna muestra di capacidad pa realisa recuperacion

Aruba

Mike de Meza (AVP): Fraccionan di MEP y RAIZ no a duna muestra di capacidad pa realisa recuperacion


Durante tratamento di presupuesto 2022 di gabinete Evelyn Wever-Croes (EWC), fraccion di AVP a mira un urgencia y necesidad pa entrega un presupuesto alternativa. For di 2018 y 2019, promer cu e pandemia di Covid-19 a haci su entrada na Aruba, banco central di Aruba (CBA) a signiala efectonan negative dor di algun medida imponi pa gabinete EWC. Tambe por a constata na 2018 un rechazo den confiansa y un pesimismo pa falta di perspectiva den tur ramo di nos economia. E Perdida consecuentemente den forsa di compra premira pa cada famia tabata uno considerable y sigur negativo pa economia di Aruba. Esaki tambe lo bai afecta hopi famia den nan necesidad basico pa por cumpli cu nan debernan mensual y por cuida nan famia dignamente, tabata e pronostico na 2018 y 2019.

Awe nan anja 2022, despues cu e pandemia a baha significantemente, nos fraccion di AVP lo kier a mira un presupuesto cu un maneho di gobierno cu lo por ofrece un perspectiva positivo y constructivo riba e diferente ramona manera economia, situacion social di famianan, salud y labor. Lastimamente nos mester a tuma nota cu gobierno no a ofrece ningun perspectiva pero mas bien a presenta un presupuesto cu mas medida cu lo solamente aumenta e costo di bida di tur famia na Aruba. E presupuesto cu gobierno a present na parlamento pa tratamento tabata uno hopi pesimo y cu lo causa solamente miseria pa pueblo na fin di dia!

Pa nos fraccion di AVP e conclusion tabata  cu “mester por otro”! Pueblo tin e derecho riba un existencia digno, caminda tur hende ta inclui y participa. Basa riba esaki nos fraccion di AVP e crea un presupuesto alternativa 2022, cu ta inclui (1) e revocacion di e “loonkorting” den e sector (semi) publico di 12.6%; (2) eliminacion di e “eigenbijdragen” di AZV; (3) eliminacion di e aumento di 300% di e “schoolgeld” sino lo nifica cu hopi famia no lo por paga pa nan yiunan por bai skol y (4) un introduccion di un “bijstand” pa famia cu tin mucha(nan) handicap cu mester atencion special.

1n625612c3a68ae1.99296708

Tur esaki fraccion di AVP pone riba pampel bon argumenta financieramente y poni den contexto di un alternativa riba e presupuesto cu gobierno a entrega na parlamento pa anja 2022. Lastimamente cu e fraccionan MEP y RAIZ a vota contra di e presupuesto alternativa aki!

Tambe locual ta un gran lastima ta e hecho cu e fraccionan di MEP y RAIZ no a duna muestra di capacidad pa realiza cu e focus di gobierno mester ta riba e recuperacion di nos situacion socio-economico y mehoracion di e poder di compra di cada famia na Aruba pa asina nos por reforsa  y sostene nos economia. Cu solamente medida e gabinete EWC lo perhudica nos pueblo, lo empeora e situacion social di hopi famia na Aruba y tambe strangula nos economia. “Household consumption is readily recognized as one of the key drivers for economic development. More than half of Aruba’s gross domestic production (GDP) depends on the financial position and wellbeing of the households”.(CBA)

E famia na Aruba no lo por sigiu biba dignamente y responsablemente cu un costo di bida asina halto cu cada luna ta sigiu aumenta. Con porta cu un gobierno cu no a bai un referendum, por entrega nos autonomia? Anto riba dje ta sigiu castiga su pueblo cu tur sorto di medida, pero pa un grupito serca di e mandatarionan y un innercircle di famia si tin bondad y enricisimento!





Source link

More in Aruba

To Top