Connect with us

Miguel Mansur: Presupuesto 2022 ta iresponsabel y ta un continuacion den e rumbo di ruina di Aruba

Aruba

Miguel Mansur: Presupuesto 2022 ta iresponsabel y ta un continuacion den e rumbo di ruina di Aruba


Ayera nochi e tratamento di presupuesto 2022 a culmina despues di no menos cu cinco dia di reunion, dialogo y presentacion den Parlamento di Aruba. Resultado di esaki tabata cu presupuesto 2022 a ricibi aprobacion di parti di coalicion. Mas cu claro como prensa nos a presenta pafo di parlamento p’asina scucha e prome reaccionnan relaciona cu esaki. Lider di fraccion Accion 21, Miguel Mansur, tabata e prome pa hiba palabra y a bisa dibiaha cu su prome reaccion ta uno di preocupacion, agregando cu e e presupuesto no ta uno responsabel ya cu tin un deficit di 82.5 miyon florin mas halto cu locual CFT a pidi. El a cualifica esaki como un continuacion di e rumbo di ruina di nos pais y cu e reunion mes tabata un desapunto grandi.

Asina Mansur a sigui splica cu tabatin 43 mocion y cu aki tabata bisto cu e ‘stempelparlement’ no tabata sostene ningun mocion di oposicion, nan a desaproba tur. Den palabra di Mansur: “Mi kiermen ban ta serio, kico boso ta bezig ta haciendo? Ta un set di payaso nos ta akiden asina aki.” El a agrega dibiaha cu a wak e minsternna gaña repetidamente, specialmente minister presidente y minister di finansa. El a bisa cu e highlight p’e a pesar di tur esaki ta cu toch por a hari hunto, añadiendo cu politica no ta algo cu bo por tuma personalmente.

Pa un relato mas amplio lesa edicion di TREMPAN.





Source link

More in Aruba

To Top