Connect with us

Miguel Mansur: Kamperveen bibando e desilusion di coalicion anterior

Aruba

Miguel Mansur: Kamperveen bibando e desilusion di coalicion anterior


Manera ya ta conoci, desde mainta Parlamento di Aruba ta den un reunion publico pa trata e contract di Eagle LNG y WEB Aruba N.V. Ta desde ayera esaki mester a tuma luga, pero a pospone esaki pa awe mainta 9:00 am. No obstante, algun minuut prome cu e ora a yega, a manda informa cu a bolbe pospone esaki pa 11:00 am.

Pues ta algun rato pasa cu esaki a inicia y mas cu claro, tin algun rumor ta circula rond di e posponemento di e reunion. Segun lider di fraccion di Accion 21 a splica, a tende cu a manda yama parlamentario Raymond Kamperveen pa bay Cocolishi y cu tambe a scucha algun rumor cu e lo bay declara su mes independiente awe. Mansur a enfatisa cu mester wak si esaki en berdad lo resulta of no.

Asina el a sigui splica cu tin dos mocion riba mesa na Parlamento p’e dia di awe. Un di nan tabata entrega ayera, esta cu tin un desconfiansa den minister presidente Evelyn Wever-Croes. Awe tambe oposicion a entrega un otro mocion den cual ta expresa desconfiansa den e deal di Eagle LNG cu WEB Aruba N.V. y ta pidi pa gobierno anula esaki. 

Pa loke ta e betoog cu Kamperveen a presenta, Mansur a bisa cu ayera den comienso di e reunion el a pensa di biaha cu “nan a dobla”. Pero, por a nota si ora cu reunion a cera cu ainda nan no a yega caminda cu nan kier ta. Segun Mansur a bisa “señor Kamperveen ya caba ta bibando e desilusion den e coalicion. Mi ta kere nan a drenta mescos cu RED e temponan aya, cu buena fe, pensando cu e gobierno lo actua corectamente”. Pero, cu manera ya a menciona “bo no por haci politica nobo cu djaca bieu”.

Segun Mansur su expectativanan p’e reunion di awe, tur parlamentario, specialmente esunnan di coalicion di Raiz lo tin cu bay vota si nan tin confiansa den e maneho “energetico” di e prome minister y tambe lo tin cu bay vota si nan ta na fabor of no di e deal di Eagle LNG y WEB. Mansur a termina bisando cu e tin speransa pa mira cambio den e direccion di nos pais.

Pa cobertura mas amplio lesa edicion di TREMPAN mañan.





Source link

Click to comment

Leave a Reply

Your email address will not be published.

More in Aruba

AD

Advertisement

Trending

Advertisement
To Top